- బల్దియా వెబ్సైట్లోనూ తప్పు సమాచారం
- కనిపించని ఉన్నతాధికారుల కాంటాక్ట్ నంబర్లు
- కాల్ లిఫ్ట్ చేయని కింది స్థాయి సిబ్బంది
- అధికారుల తీరుపై సిటిజన్ల ఆగ్రహం
ఆసిఫ్నగర్ కి చెందిన సుధాకర్ బూస్టర్ డోస్ వ్యాక్సిన్వేయించుకునేందుకు గురువారం బల్దియా హెల్ప్లైన్ నంబర్ కాల్చేస్తే ఎత్తలేదు. బల్దియా వెబ్సైట్లో చూసి సాయంత్రం 4 గంటలకు కమిషనర్ ల్యాండ్ లైన్ నంబర్కు కాల్ చేయగా లిఫ్ట్ చేయలేదు. మరికొందరి అధికారులకు చేసినా కూడా స్పందించలేదు.’’ ఖైరతాబాద్కి చెందిన రాజు శానిటేషన్ కి సంబంధించిన ప్రాబ్లమ్పై చెప్పేందుకు గురువారం బల్దియా వెబ్సైట్లోంచి ఖైరతాబాద్ ఏఎంహెచ్ వో నంబర్తీసుకుని కాల్ చేస్తే లిఫ్ట్ చేయలేదు. జోనల్ కమిషనర్ ల్యాండ్ లైన్ నంబర్కు కాల్ చేస్తే ‘ చెక్ ద నంబర్అని వచ్చింది.’’
హైదరాబాద్, వెలుగు: గ్రేటర్లోని ఏదైనా ప్రాబ్లమ్ పై చెబుదామన్నా.. సమాచారం తెలుసుకుందామన్నా.. ఫోన్చేస్తే అధికారులు ఎత్తట్లేదు. బల్దియా వెబ్సైట్ లో కూడా అప్డేట్సమాచారం సరిగా ఉండదు. సిటిజన్లు ఫోన్ చేస్తుండగా కొందరు అధికారుల నంబర్లకు కలిసినా లిఫ్ట్ చేయరు. దీనిపై ఉన్నతాధికారులకు చెబుతామంటే వాళ్ల నంబర్లు కూడా వెబ్ సైట్లో అందుబాటులో లేవు. కిందిస్థాయి అధికారులకు ల్యాండ్ లైన్ నంబర్లకు కాల్ చేస్తే రెస్పాన్స్ కావడంలేదని పలువురు పేర్కొంటున్నారు. సిటీలో ముఖ్యమైన శానిటేషన్అండ్హెల్త్ అడిషనల్కమిషనర్ ఫోన్ నంబర్సైతం వెబ్సైట్లో కనిపించదు. కొత్తగా వచ్చిన అడిషనల్కమిషనర్ల పేర్లు కూడా అప్డేట్చేయలేదు. ఇలా చాలామంది ఆఫీసర్ల ఫోన్నంబర్లు లేకపోవడంపై సిటిజన్లు ఆగ్రహం వ్యక్తం చేస్తున్నారు. కొందరు అధికారులు ట్రాన్స్ఫర్ అయిన కూడా వారి పేర్లు ఉంటుండగా, తమకు సంబంధించిన ఆఫీసర్ ఎవరున్నారో కూడా తెలుసుకోని పరిస్థితి నెలకొందని అసహనం వ్యక్తం చేస్తున్నారు. దీంతో ఏ చిన్న పని ఉన్నా కూడా బల్దియా హెడ్దాఫీస్దాకా వెళ్లాల్సిన పరిస్థితి ఉంది. అదే ట్విట్టర్ లో మంత్రి కేటీఆర్కు క్షణాల్లో రెస్పాండ్అయ్యే అధికారులు జనానికి మాత్రం ఎంతకూ రెస్పాన్స్ ఇవ్వడంలేదు.
అడ్వాన్స్డ్ టెక్నాలజీ వాడుతున్నామంటూ..
టెక్నాలజీని వాడకంలో బల్దియా ఎంతో ముందుందని, అడ్వాన్స్డ్గా ఉంటున్నామని అధికారులు చెబుతుండగా, సంస్థ సొంత వెబ్ సైట్నిర్వహణను మాత్రం పట్టించుకోవడంలేదు. వెబ్ సైట్లో ఏ సమాచారం సక్రమంగా ఉండడంలేదు. అధికారుల నుంచి కరోనా కేసుల వివరాల వరకు ఏది కూడా సరిగా లేదు. సపరేట్గా ఐటీ వింగ్ ఉన్నప్పటికీ వెబ్సైట్ నిర్వహణపై నిర్లక్ష్యంగా ఉంటున్నారు.
కొన్నేళ్లుగా టెలిఫోన్ డైరీ అందుబాటులో ఉండట్లే..
బల్దియా కమిషనర్ నుంచి కిందిస్థాయి అధికారి వరకు ఫోన్ల బిల్లులు సంస్థనే చెల్లిస్తుంది. జనం డబ్బును నుంచి బిల్లులు కడుతుండగా, ఏదైనా సమస్యపై అధికారికి కాల్చేస్తే నంబర్లు కలవడంలేదు. కొందరివి కలిసినా అసలే ఎత్తడంలేదు. గతంలో అధికారుల నంబర్లనుఎప్పటికప్పుడు వెబ్ సైట్లో అప్డేట్ చేసేవారు. ప్రస్తుతం ఉన్నతాధికారుల నంబర్లు ఎవరివి లేవు. కిందిస్థాయి సిబ్బంది నంబర్లు మాత్రమే ఉన్నాయి. ఇందులోనూ మెజారిటీ స్థాయి అధికారులు ఫోన్ చేస్తే రెస్పాండ్ కావడంలేదు. గతంలో బల్దియా అధికారుల టెలిఫోన్ డైరీ కూడా ఉండగా కొన్నేళ్లుగా దాన్ని పూర్తిగా మరిచిపోయారు.
