కోల్బెల్ట్, వెలుగు: సింగరేణి కార్మికుల సమస్యలను గుర్తింపు సంఘం ఏఐటీయూసీ పట్టించుకోవడం లేదని ఫలితంగా స్ట్రక్చర్ మీటింగ్ను కోల్పోవాల్సి వచ్చిందని సీఐటీయూ బ్రాంచి ప్రెసిడెంట్ఎస్.వెంకటస్వామి అన్నారు. ఆదివారం రామకృష్ణాపూర్లో ఏర్పాటు చేసిన మీడియా సమావేశంలో మాట్లాడారు.
సింగరేణి ఎన్నికల్లో ఏఐటీయూసీ గెలిచిన తొమ్మిది నెలలు గడిచినా.. ప్రతి నెలా రెండో మంగళవారం కార్మికుల సమస్యలపై చర్చించాల్సిన ఏరియా లెవల్ స్ట్రక్చర్సమావేశాలను పట్టించుకోవడంలేదన్నారు. లాభాల వాటా విషయంలో విఫలమైందన్నారు. కాసిపేట గ్రూప్గనులకు వెళ్లే రహదారి బాగాలేదని, స్ట్రీట్ లైట్లు లేక డ్యూటీకి వెళ్లే సింగరేణి కార్మికులు తీవ్ర ఇబ్బందులు పడుతున్నట్లు చెప్పారు. కేకే1 డిస్పెన్సరీలో
పూర్తిస్థాయి వైద్య సేవలు అందుబాటులోకి తీసుకరావాలని, ఆస్పత్రిని ఆప్గ్రేడ్ చేయాలని డిమాండ్చేశారు. సింగరేణి క్వార్టర్లలో ఉంటున్న కార్మికేతరులను ఖాళీ చేయించాలని కోరారు. కార్మికులపై పనిభారం, ఒత్తిడి తగ్గించాలన్నారు. సమావేశంలో సీఐటీయూ బ్రాంచి జనరల్ సెక్రటరీ అల్లి రాజేందర్తదితరులు పాల్గొన్నారు.
