కోల్బెల్ట్, వెలుగు: సింగరేణి కార్మికుల హక్కులను యాజమాన్యానికి తాకట్టుపెట్టిన కార్మిక సంఘాలకు ఈ ఎన్నికల్లో బుద్ధి చెప్పాలని సీఐటీయూ డిప్యూటీ జనరల్సెక్రటరీ నాగరాజ్గోపాల్పేర్కొన్నారు. గురువారం మందమర్రి ఏరియా కాసిపేట-2 బొగ్గు గనిపై నిర్వహించిన గేట్మీటింగ్లో ఆయన మాట్లాడారు. సమస్యల పరిష్కారానికి సీఐటీయూ అనుసరిస్తున్న విధానానికి ఆకర్శితులై యువ ఉద్యోగులు స్వచ్ఛందంగా యూనియన్లోకి వస్తున్నారని చెప్పారు.
మందమర్రి ఏరియాలో గత ఎన్నికల్లో ఏఐటీయూసీని గెలుపించుకుంటే వాళ్లు టీబీజీకేఎస్తో కలిసి పైరవీలకు పాల్పడ్డారని ఆరోపించారు. కార్మికుల హక్కులు కాపాడటం సంఘాలకే సాధ్యమన్నారు. ఎలాంటి సమస్యనైనా యాజమాన్యం దృష్టికి తీసుకెళ్లి పరిష్కరించే సత్తా ఉన్న సీఐటీయూని గెలిపించాలని కోరారు.
ఈ సమావేశంలో యూనియన్ బ్రాంచి ప్రెసిడెంట్ఎస్.వెంకటస్వామి, సెక్రటరీ అల్లి రాజేందర్, ఉపాధ్యక్షుడు రామగిరి రామస్వామి, గని పిట్ సెక్రటరీ బుద్దే సురేశ్, లీడర్లు వడ్లకొండ ఐలయ్య, అలవాల సంజీవ్, అయిందాల శ్రీనివాస్, సంకె వెంకటేశ్, మహమ్మద్ ఆరిఫ్ తదితరులు పాల్గొన్నారు.
