కోల్బెల్ట్, వెలుగు : కోలిండియాలో బొగ్గు గని కార్మికుల వేతనాలు ఆపేయడం, డీపీఈ గైడ్లైన్స్ను వ్యతిరేకిస్తూ సింగరేణి ఉద్యోగులు నల్ల బ్యాడ్జీలతో నిరసనకు దిగారు. మంగళవారం మందమర్రి ఏరియాలోని కేకే5 గనిపై సీఐటీయూ ఆధ్వర్యంలో ఆందోళన చేపట్టారు. ఈ సందర్భంగా లీడర్లు మాట్లాడుతూ.. 11వ వేతన ఒప్పందం ప్రకారం బొగ్గు గని కార్మికులకు మూడు నెలలుగా కొత్త జీతాలు అమలు చేస్తున్నారని, 23 నెలల ఏరియర్స్కూడా చెల్లించారని తెలిపారు. అయితే, కొంతమంది ఆఫీసర్లు డీపీఈ గైడ్లైన్స్ను అడ్డుపెట్టుకొని అధికారుల జీతాల కంటే కార్మికులకు ఎక్కువగా ఉన్నాయని కేసు వేశారని
సెప్టెంబర్ నెలకు సంబంధించి కొత్త జీతాలను నిలిపివేయడం సరికాదన్నారు. వెంటనే వేతనాలు చెల్లించాలని డిమాండ్చేస్తూ కోలిండియా వ్యాప్తంగా ఇచ్చిన నిరసన కార్యక్రమంలో భాగంగా సింగరేణిలో ఆందోళనకు దిగినట్లు పేర్కొన్నారు. అనంతరం గని మేనేజర్ భూశంకరయ్యకు వినతిపత్రం అందజేశారు. సీఐటీయూ మందమర్రి బ్రాంచ్ ప్రెసిడెంట్ఎస్.వెంకటస్వామి, పిట్సెక్రటరీ సంకె వెంకటేశ్, లీడర్లు వడ్లకొండ శివ, చైతన్యరెడ్డి, కలవల శ్రీనివాస్, నవీన్, ఆదర్శ్, తిరుపతి నాయక్ తదితరులు పాల్గొన్నారు.
