- సీఐటీయూ రాష్ట్ర ప్రధాన కార్యదర్శి భాస్కర్
భద్రాద్రికొత్తగూడెం, వెలుగు: కార్మికులకు వ్యతిరేకంగా కేంద్రం తీసుకొచ్చిన లేబర్కోడ్లను రద్దు చేయాలని డిమాండ్ చేస్తూ ఈ నెల 23న రాష్ట్ర వ్యాప్తంగా బ్లాక్ డే నిర్వహించనున్నట్టు సీఐటీయూ రాష్ట్ర ప్రధాన కార్యదర్శి పాలడుగు భాస్కర్ తెలిపారు. కొత్తగూడెంలోని సీఐటీయూ జిల్లా ఆఫీస్లో సోమవారం ఏర్పాటు చేసిన జిల్లా కమిటీ మీటింగ్లో ఆయన మాట్లాడారు. కేంద్రంలోని బీజేపీ ప్రభుత్వం కార్మిక హక్కులను కాలరాసేందుకే లేబర్ కోడ్లను తీసుకువచ్చిందన్నారు.
2022 సెప్టెంబర్ 23న లేబర్ కోడ్ల బిల్లును బీజేపీ సర్కార్ ప్రవేశపెట్టిందన్నారు. కార్మికుల హక్కుల పరిరక్షణ కోసం నిరంతరం పోరాటాలు చేయాల్సిన అవసరం ఉందన్నారు. ఈ ప్రోగ్రాంలో సీఐటీయూ నేతలు హదు, బ్రహ్మచారి, వెంకటేశ్, రమేశ్, పద్మ, అప్పారావు, అర్జున్పాల్గొన్నారు.
