- అడ్డుకుంటున్న ఎస్టేట్, సెక్యూరిటీ సిబ్బంది
భద్రాద్రికొత్తగూడెం, వెలుగు : సింగరేణి కాలరీస్కంపెనీ హెడ్డాఫీస్ఉన్న కొత్తగూడెంలో సింగరేణి ల్యాండ్స్ దర్జాగా కబ్జాకు గురవుతున్నాయి. హెడ్డాఫీస్కు కూత వేటు దూరంలో ఉన్న కొత్తగూడెం పట్టణం హనుమాన్బస్తీలో దాదాపు రూ. కోటికి పైగా విలువైన సింగరేణి సూపర్ బజార్ ల్యాండ్ను కంపెనీలోనే సివిల్కాంట్రాక్టర్గా పనిచేస్తున్న ఓ వ్యక్తి కబ్జాకు స్కెచ్ వేశాడు. అందులో నిర్మాణం చేపట్టేందుకు రెండు రోజులుగా ఆ వ్యక్తి చెట్ల పొదలను తొలగిస్తున్నాడు.
స్థానికులు అడ్డుకున్నారు.. కానీ తన వద్ద అన్ని ఆధారాలున్నాయని అతడు చెప్పాడు. దీంతో స్థానికుల సింగరేణి అధికారులకు సమాచారం ఇవ్వడంతో మంగళవారం ఎస్టేట్, సెక్యూరిటీ విభాగం అధికారులు ఆ స్థలంలో నిర్మాణ పనులు అడ్డుకున్నారు. ఈ ల్యాండ్ సింగరేణి సూపర్బజార్దేనంటూ ఎస్టేట్ అధికారులు పేర్కొన్నారు. సింగరేణి స్థలాలను కబ్జా చేస్తూ ఊరుకునేది లేదని హెచ్చరించారు.
