వికారాబాద్, వెలుగు: లాయర్ను పెట్టుకునే ఆర్థిక స్థోమత లేని పేద ఖైదీలు ఉచిత న్యాయ సేవలను సద్వినియోగం చేసుకోవాలని వికారాబాద్ జిల్లా సీనియర్ సివిల్ జడ్జి, జిల్లా న్యాయ సేవా సంస్థ కార్యదర్శి డి.బి శీతల్ సూచించారు. పరిగి సబ్ జైలును సోమవారం ఆమె సందర్శించారు. జైల్లో ఖైదీల రోజువారీ దినచర్య, వసతుల గురించి జైలు సూపరింటెండెంట్రాజ్ కుమార్ను అడిగి తెలుసుకున్నారు. ఈ సందర్బంగా ఖైదీలను ఉద్దేశించి ఆమె మాట్లాడారు. క్షణికావేశంలో చేసిన తప్పులతో తమతోపాటు తమ కుటుంబసభ్యులు క్షోభ పడుతున్నారన్నారు.
విడుదలైన తర్వాత రెండోసారి జైలుకు రాకుండా సమాజంలో సత్ప్రవర్తనతో మెలగాలని సూచించారు. పేద ఖైదీలకు న్యాయ సేవా సంస్థ ద్వారా డిఫెన్స్ లాయర్ను పెట్టి, బెయిల్ మంజూరు చేయించడం జరుగుతుందన్నారు. కార్యక్రమంలో లీగల్ డిఫెన్స్ లాయర్లు రాము, వెంకటేష్, శ్రీనివాస్, గౌస్ పాషా, జైలు సిబ్బంది విశ్వనాథరావు, శ్రీను తదితరులు పాల్గొన్నారు.
