సూర్యాపేట, వెలుగు: అక్రమంగా ధాన్యం తరలిస్తున్న రెండు లారీలను సివిల్ సప్లయీస్ అధికారులు సీజ్ చేసినట్టు సమాచారం. గరిడేపల్లి మండలంలోని గడ్డిపల్లికి చెందిన శ్రీ హనుమాన్ శివసాయి రైస్ మిల్ కు ఐకేపీ, పీఏసీఎస్ సెంటర్ల ద్వారా అలాట్ చేసిన ధాన్యాన్ని పక్కదోవ పట్టించి అక్రమంగా తరలిస్తున్నారు. సమాచారం అందుకున్న సివిల్ సప్లయీస్ అధికారులు, పోలీసుల సహాయంతో గరిడేపల్లి శివారులో ఆ లారీలను పట్టుకొని సీజ్ చేసినట్టు సమాచారం.
ఈ విషయమై సివిల్ సప్లయీస్ డీటీ నాగలక్ష్మిని వివరణ కోరగా ప్రభుత్వానికి చెందిన ధాన్యాన్ని అక్రమంగా తరలిస్తున్నారనే సమాచారం రావడంతో రెండు లారీలను పట్టుకున్నామన్నారు. సోమవారం టెక్నికల్ టీంతో వాటి శాంపిల్స్ సేకరించి పంచనామా నిర్వహించి కేసు నమోదు చేస్తామని తెలిపారు.
