![వడ్ల కమీషన్ వచ్చింది .. 2022-23 సీజన్లకు..రూ.9.77 కోట్లు విడుదల](https://static.v6velugu.com/uploads/2024/07/civil-supply-department-has-released-paddy-commission-for-pacs_0DOvHpwaBT.jpg)
- ఆరింటికి రిలీజ్చేసిన జిల్లా సహకారశాఖ
- మిగతా 15 పీఏసీఎస్లకు ఇంకా రాలే
యాదాద్రి, వెలుగు : ఎట్టకేలకు పీఏసీఎస్లకు వడ్ల కమీషన్ వచ్చింది. 2022-–23 నుంచి ఐదు సీజన్లకు సంబంధించిన కమీషన్రావాల్సి ఉండగా, రెండు సీజన్లకు సంబంధించిన కమీషన్ను సివిల్సప్లయ్డిపార్ట్మెంట్రిలీజ్చేసింది. అయితే వచ్చిన వడ్ల కమీషన్ను కొన్నింటికి తప్ప అన్ని పీఏసీఎస్లకు జిల్లా సహకార శాఖ పంపిణీ చేయలేదు. యాదాద్రి జిల్లాలో 21 పీఏసీఎస్ఉన్నాయి.
వీటి పరిధిలో ప్రతి యాసంగి, ఖరీఫ్ సీజన్లో సుమారు 250 వరకు సెంటర్లు ఏర్పాటు చేసి వడ్లను కొనుగోలు చేస్తున్నాయి. దీనికి క్వింటాల్కు రూ.32 చొప్పున సివిల్సప్లయ్డిపార్ట్మెంట్కమీషన్గా చెల్లించాల్సి ఉంటుంది. అయితే 2022–-23, 2023–-24 ఆర్థిక సంవత్సరాల్లోని యాసంగి, వానాకాలం సీజన్లలో కొనుగోలు చేసిన వడ్లకు సంబంధించిన కమీషన్పీఏసీఎస్లకు రాలేదు.ఈ కమీషన్చెల్లింపుల గురించి గత ప్రభుత్వం పెద్దగా పట్టించుకోలేదు.
రూ. 9.77 కోట్లు విడుదల..
కొత్త ప్రభుత్వం ఏర్పడిన తర్వాత ఎన్నికల కోడ్ముగియగానే పీఏసీఎస్లకు చెల్లించాల్సిన కమీషన్ను విడుదల చేయడానికి సివిల్సప్లయ్ డిపార్ట్మెంట్చర్యలు తీసుకుంది. 2022–-23 ఆర్థిక సంవత్సరంలోని యాసంగి సీజన్కు సంబంధించి రూ.5,69,84,782, వానాకాలం సీజన్కు సంబంధించిన రూ.4,07,90,145 కమీషన్ రావాల్సి ఉంది. ఈ రెండు సీజన్లకు సంబంధించిన రూ.9,77,74,927ను గత నెలలో విడుదల చేసింది.
కొన్ని పీఏసీఎలకే రిలీజ్..
జిల్లాలో 21 పీఏసీఎస్లు ఉన్నాయి. వచ్చిన రెండు సీజన్ల కమీషన్డబ్బులను వీటన్నింటికీ జిల్లా సహకారశాఖ రిలీజ్చేయాల్సి ఉంది. అయితే కేవలం జిల్లాలోని అడ్డగూడూరు, భువనగిరి, మోత్కూరు, తుర్కపల్లి, పోచంపల్లి, బీబీనగర్పీఏసీఎస్లకు మాత్రమే గత నెలలో రిలీజ్చేసిందని తెలిసింది. మిగతా 15 పీఏసీఎస్లకు ఇంకా రిలీజ్చేయలేదు.
రేపు.. మాపు అంటున్నరు-..
నాలుగు సీజన్ల నుంచి వడ్ల కొనుగోలుకు సంబంధించిన కమీషన్ డబ్బులు రాలేదు. ఎప్పుడు అడిగినా రేపు, మాపు అంటూ కాలయాపన చేస్తున్నారు. నాలుగు సీజన్లు కలుపుకొని యాదగిరిగుట్ట పీఏసీఎస్ కు దాదాపు రూ.1.20 కోట్ల కమీషన్ డబ్బులు రావాల్సి ఉంది.
ఇమ్మడి రాంరెడ్డి, పీఏసీఎస్ చైర్మన్, యాదగిరిగుట్ట