- సివిల్స్ ప్రిపరేషన్ సెమినార్ లో ర్యాంకర్లు నవనీత్ ఆనంద్, హర్షిత్ శ్రీవాస్తవ
ముషీరాబాద్,వెలుగు : కష్టపడి చదవకుండా.. ఇష్టపడి చదివితే లక్ష్యాన్ని ఈజీగా చేరుకోవచ్చని సివిల్స్ ర్యాంకర్లు నవనీత్ ఆనంద్(499), హర్షిత్ శ్రీవాస్తవ (521) సూచించారు. సివిల్స్ కు ప్రిపేరయ్యే అభ్యర్థుల కోసం యూపీఎస్సీ ప్రిపరేషన్ సెమినార్ టాపర్స్ టాక్ కార్యక్రమం ఆదివారం ఆర్టీసీ క్రాస్ రోడ్స్ లోని విజన్ ఐఏఎస్ ఆధ్వర్యంలో నిర్వహించారు. ఇందులో సివిల్స్ ర్యాంకర్లు పాల్గొని పలు సూచనలు, సలహాలు ఇచ్చారు. క్రమశిక్షణ, పట్టుదలతో పాటు అంకితభావంతో కృషి చేస్తే మంచి ర్యాంకులు సాధించవచ్చునని సూచించారు. సివిల్స్ కు ఎలా ప్రిపేర్ కావాలనే వ్యూహాలపై అవగాహన కల్పించారు. విజన్ ఐఏఎస్ సౌత్ రీజియన్ బ్రాంచ్ హెడ్ హరే కృష్ణ ర్యాంకర్లను ఘనంగా సన్మానించి అభినందించారు.
