యాదాద్రి, వెలుగు : యాదాద్రి డీసీసీ అధ్యక్షుడు కుంభం అనిల్కుమార్ రెడ్డి వెంటే ఉంటామని భువనగిరికి చెందిన కాంగ్రెస్ లీడర్లు స్పష్టం చేశారు. డీసీసీ అధ్యక్షుడికి వ్యతిరేకంగా భువనగిరి నియోజకవర్గానికి చెందిన పలువురు అసమ్మతి లీడర్లు మీటింగ్ నిర్వహించిన సంగతి తెలిసిందే. దీంతో ఆయన అనుకూల వర్గానికి చెందిన లీడర్లు కొందరు హైదరాబాద్లోని కుంభం నివాసానికి వెళ్లారు. ఈ సందర్భంగా అసమ్మతి లీడర్లు నిర్వహించిన మీటింగ్పై లీడర్ల మధ్య చర్చ జరిగింది.
ఎన్నికలు సమీపిస్తున్నందున కావాలనే కుంభంపై ఆరోపణలు చేస్తున్నారని అభిప్రాయం వ్యక్తమైంది. ఎన్నికల సమయంలో సొంత పార్టీ లీడర్పై ఆరోపణలు చేయడం ద్వారా కాంగ్రెస్కు నష్టం జరిగి, బీఆర్ఎస్కు లాభం కలుగుతుందన్న ఆలోచన కూడా లేకుండా మీటింగ్లు నిర్వహించడం సరికాదంటూ పలువురు లీడర్లు కామెంట్ చేశారు. ఉమ్మడి జిల్లా కాంగ్రెస్ ముఖ్య లీడర్ హస్తం ఉందని జరుగుతున్న ప్రచారాన్ని పలువురు ప్రస్తావించారు. 2018 అసెంబ్లీ ఎన్నికల్లో కుంభం ఓడిపోయినా.. పార్టీని అంటిపెట్టుకొని ఆ తర్వాత జరిగిన అన్ని ఎన్నికల్లో కాంగ్రెస్కు అండగా నిలబడినప్పటికీ దుష్ప్రచారం చేయడం సరికాదన్న అభిప్రాయం వ్యక్తమైంది.
