పోడు పట్టాలు ఇవ్వాలని డిమాండ్ చేస్తూ.. గిరిజనులు అడవిని చదును చేసిన ఘటన కామారెడ్డి జిల్లాలో జరిగింది. అధికారులు తెలిపిన వివరాల ప్రకారం.. మాచారెడ్డి మండలం బంజేపల్లి శివారులోని మర్రితండా, నెమలి గుట్ట తండాకు చెందిన గిరిజనులు తమకు పోడు పట్టాలు ఇవ్వాలని డిమాండ్ చేస్తూ అటవీ భూమిని దున్నేశారు. విషయం తెలుసుకున్న ఫారెస్ట్ అధికారులు వారిని వారించారు.
ఈ క్రమంలో తండా వాసులకు, అధికారులకు మధ్య తోపులాట జరిగింది. అకస్మాత్తు పరిణామంతో ఉద్రిక్త పరిస్థితులు నెలకొన్నాయి. ఈ ఘటనలో రెండు ట్రాక్టర్లను అటవీ అధికారులు సీజ్ చేశారు. ఫారెస్ట్ ఆఫీసర్లు భారీగా మోహరించారు.
