- చౌటుప్పల్లో బీజేపీ గో బ్యాక్నినాదాలు
- నారాయణపురంలో బీజేపీ వర్సెస్ కాంగ్రెస్
- రోడ్డుపై బైఠాయించిన కాంగ్రెస్ కార్యకర్తలు
- సర్ది చెప్పిన పోలీసులు
యాదాద్రి, వెలుగు: ఉప ఎన్నికల ప్రచారంతో పాటు గొడవలు కూడా పెరుగుతున్నాయి. మొన్నటి వరకు ప్రశాంతంగా సాగిన క్యాంపెయిన్ ఇప్పుడు ఉద్రిక్తతలకు దారి తీస్తోంది. సోమవారం యాదాద్రి జిల్లా చౌటుప్పల్లో డీకే అరుణ ప్రసంగానికి కొద్ది మంది అడ్డుతగలగా, సంస్థాన్ నారాయణపురంలో బాబుమోహన్ పర్యటన సందర్భంగా కాంగ్రెస్, బీజేపీ కార్యకర్తల మధ్య వివాదం చోటు చేసుకుంది.
చిన్నకొండూరులో...
యాదాద్రి జిల్లా చౌటుప్పల్ మండలం చిన్నకొండూరులో బీజేపీ జాతీయ ఉపాధ్యక్షురాలు డీకే అరుణ, బీజేపీ అభ్యర్థి కోమటిరెడ్డి రాజగోపాల్రెడ్డి భార్య లక్ష్మి ప్రచారానికి వచ్చారు. లక్ష్మి మాట్లాడుతూ గ్రామంలో గుడి నిర్మాణానికి రాజగోపాల్రెడ్డి నిధులు ఇచ్చాడని చెప్పారు. దీంతో అక్కడున్న కొందరు నిధులు ఇవ్వకుండానే ఇచ్చినట్టు ఎలా చెబుతాని ప్రశ్నిస్తూ వేదిక వద్దకు వెళ్లే ప్రయత్నం చేశారు. దీంతో పోలీసులు వారిని అడ్డుకున్నారు. అదే సమయంలో డీకే అరుణ మాట్లాడుతూ పింఛన్లు కేసీఆర్ ఇంట్లో నుంచి ఇవ్వడం లేదని, ప్రజల సొమ్మే ప్రజలకు ఇస్తున్నారన్నారు. దీంతో అక్కడున్న కొందరు ఎవరూ ఇంట్లో నుంచి ఇవ్వరని, ప్రజల సొమ్మే ఇస్తారని కామెంట్ చేశారు. దీంతోపాటు అరుణ ప్రసంగం ముగిసేంతవరకూ వేదిక వైపునకు వచ్చే ప్రయత్నం చేస్తూ గో బ్యాక్ అంటూ నినాదాలు చేశారు. దీంతో పోలీసులు జోక్యం చేసుకోగా వారితోనూ వాగ్వాదానికి దిగారు. కొద్దిసేపటికి సర్దిచెప్పి పంపించివేశారు.
సంస్థాన్ నారాయణపురంలో..
సంస్థాన్ నారాయణపురంలో ప్రచారం కోసం రేవంత్వస్తుండడంతో కాంగ్రెస్ కార్యకర్తలు మైక్‌లు ఏర్పాటు చేసి కొందరు సింగర్స్తో పాటలు పాడిస్తున్నారు. అదే టైంలో బీజేపీ నేత, మాజీ మంత్రి బాబుమోహన్ అక్కడికి చేరుకున్నారు. దీంతో కొందరు బీజేపీ కార్యకర్తలు కాంగ్రెస్వేదిక వద్దకు వెళ్లి కొద్దిసేపు మైక్ ఆపాలని కోరారు. అయినా బంద్ చేయకపోవడంతో ఇరు పార్టీల కార్యకర్తల మధ్య వాగ్వాదం జరిగింది. దీంతో ఓ బీజేపీ కార్యకర్త కాంగ్రెస్ వేదికపైకి ఎక్కి మైక్ బంద్ చేసే ప్రయత్నం చేశారు. దీంతో కాంగ్రెస్కార్యకర్తలు అతడిని బయటకు తోసేశారు. దీంతో బీజేపీ కార్యకర్తలు గుంపుగా అక్కడికి చేరుకొని నినాదాలు చేశారు. అనంతరం మైక్ను కాంగ్రెస్ కార్యకర్తలు ఆపేయడం, బాబుమోహన్సభ పూర్తి కావడం జరిగింది. ఈ పరిణామాల తర్వాత కాంగ్రెస్ వేదికపై మైక్‌లు పని చేయకపోవడంతో బీజేపీ కార్యకర్తలే వైర్లు పీకేశారన్న ఉద్దేశంతో రోడ్డుకు అడ్డంగా కూర్చున్నారు. పోలీసులు కల్పించుకొని వారికి నచ్చజెప్పి పక్కకు తప్పించారు.
