అహ్మదాబాద్: గుజరాత్లో విషాద ఘటన చోటుచేసుకుంది. మూడవ తరగతి చదువుతున్న 8 ఏళ్ల బాలిక స్కూ్ల్లోనే కుప్పకూలి కార్డియాక్ అరెస్ట్ కారణంగా చనిపోయింది. ఈ హృదయ విదారక ఘటన గుజరాత్లోని అహ్మదాబాద్లో ఉన్న జెబర్ స్కూ్ల్లో జరిగింది. ఈ ఘటనకు సంబంధించి పూర్తి వివరాల్లోకి వెళితే.. గార్గి అనే 8 ఏళ్ల బాలిక జెబర్ స్కూ్ల్లో 3rd క్లాస్ చదువుతోంది. రోజూలానే శుక్రవారం కూడా ఆటోలో స్కూల్కు వెళ్లింది.
క్లాస్ రూంలోకి వెళ్లే లోపు ఆ పాపకు చెస్ట్ పెయిన్ అనిపించింది. అటూఇటూ చూస్తూ ఒక దగ్గరే కాసేపు నిల్చుని ఇబ్బంది పడింది. ఆ తర్వాత కొంచెం ముందుకు వెళ్లి చైర్ ఒకటి ఉంటే ఆ కుర్చీలో కూర్చుంది. కుర్చీలో కూర్చున్న సెకన్ల వ్యవధిలోనే ఆ పాప కుప్పకూలిపడిపోయింది. స్పృహ కోల్పోయిందని అంతా అనుకున్నారు. ఆ సమయంలో అక్కడే ఉన్న వాళ్లు పాపను గమనించి సీపీఆర్ చేశారు.
సీపీఆర్ చేసిన తర్వాత కూడా పాపను ఎలాంటి చలనం లేకపోవడంతో సమీపంలోని ప్రైవేట్ ఆసుపత్రికి తరలించారు. పాపను పరీక్షించిన వైద్యులు అప్పటికే చనిపోయినట్లు నిర్ధారించారు. ఆ పాప కార్డియాక్ అరెస్ట్ వల్ల చనిపోయి ఉండొచ్చని ప్రిలిమినరీ రిపోర్ట్స్లో వైద్యులు తెలిపారు. పాపకు చెస్ట్ పెయిన్ రావడం, ఇబ్బంది పడటం, ఆ తర్వాత కుర్చీలో కూర్చోవడం, కాసేపటికే కుప్పకూలి కిందపడిపోవడం.. ఈ దృశ్యాలన్నీ సీసీ కెమెరాల్లో రికార్డ్ కావడం గమనార్హం. ఆ వీడియో చూసిన నెటిజన్లకే గుండె బరువెక్కిందంటే.. ఇక ఆ పాప తల్లిదండ్రులు పడే బాధను మాటల్లో చెప్పలేం.
Also Read :- రిజర్వాయర్ లో మునిగి.. ఐదుగురు మృతి
‘హార్ట్ఎటాక్ పెద్దవాళ్లకే వస్తుంది’ అనుకునే రోజులు పోయాయి. ఇప్పుడు చిన్నారులు కూడా హార్ట్ఎటాక్ బారిన పడుతున్నారు. హార్ట్ఎటాక్ వచ్చినప్పుడు గుండె లయలో మార్పులు వస్తాయి. హార్ట్ఎటాక్ వచ్చినా కూడా గుండె కొట్టుకునే వేగంలో తేడా లేనంతవరకు తట్టుకోగలరు. ప్రాణాపాయం ఉండదు. కానీ, హార్ట్బీట్ మారితే వయసులో చిన్నవాళ్లైనా, పెద్దవాళ్లైనా తట్టుకోలేరు. ఛాతి మధ్యలో నొప్పి వస్తుంది. ఛాతి మీద బరువు పడ్డట్టు ఉంటుంది. అంతేకాకుండా ఛాతిని దగ్గరికి లాగినట్టు అనిపిస్తుంది. ఈ లక్షణాలు చిన్నగా మొదలై, అప్పుడప్పుడూ వచ్చిపోతుంటాయి. కొందరిలో మాత్రం లక్షణాలు కనిపించిన నిమిషాల వ్యవధిలోనే కుప్పకూలిపోయి గుండె కొట్టుకోవడం ఆగిపోయి ప్రాణం పోతోంది.
8-year-old girl dies of suspected cardiac arrest in school in Ahmedabadhttps://t.co/tMYKhXSKq9 pic.twitter.com/gpoOl7BUWs
— DeshGujarat (@DeshGujarat) January 10, 2025
