ఖమ్మం కార్పొరేషన్, వెలుగు: జిల్లా కేంద్రంలోని ప్రభుత్వ మెడికల్ కాలేజీలో ఈ విద్యా సంవత్సరం నుంచే100 సీట్లతో తరగతులు ప్రారంభం కానున్నాయని రాష్ట్ర రవాణాశాఖ మంత్రి పువ్వాడ అజయ్ కుమార్ తెలిపారు. బుధవారం పాత కలెక్టరేట్భవన కాంప్లెక్స్ లో క్లాసెస్ ప్రారంభం కానున్న నేపథ్యంలో కలెక్టర్ వీపీ గౌతమ్తో కలిసి పనుల పురోగతిని మంత్రి పరిశీలించారు. పనులు చురుకుగా సాగుతున్నాయని, అనుకున్న సమయానికి పనులు పూర్తిచేసి తరగతులు ప్రారంభిస్తామన్నారు.
భవనాలు, ఫెసిలిటీస్, ల్యాబ్లు, టీచింగ్, విద్యుత్, ఇతర సదుపాయాలను పరిశీలించి ఆఫీసర్లతో చర్చించారు. ప్రభుత్వ జనరల్ ఆసుపత్రికి ఎదురుగా ఉన్న పాత కలెక్టరేట్ లో రూ.9కోట్లతో ఆధునీకరిస్తున్నామన్నారు. ఇప్పటికే కాలేజీ నిర్మాణం కోసం రాష్ట్ర ప్రభుత్వం రూ.166కోట్లను మంజూరు చేసిందన్నారు. కార్యక్రమంలో సుడా చైర్మన్బచ్చు విజయ్కుమార్, కార్పొరేటర్కర్నాటి క్రిష్ణ, బీజీ క్లెమెంట్, కాలేజీ బృందం పాల్గొన్నారు.
ఫాకో సెంటర్ ప్రారంభం...
జిల్లా కేంద్రంలోని ప్రభుత్వ ప్రధానాసుప్రతిలో కంటి సమస్యలతో బాధపడుతున్న వారికి ఆపరేషన్లు చేసేందుకు రూ.28లక్షలతో ఏర్పాటు చేసిన ఫాకో మెషిన్ను మంత్రి ప్రారంభించారు. అనంతరం వైద్య ఆరోగ్యశాఖ మంత్రి హరీశ్ రావుతో జరిగిన వీడియో కాన్ఫరెన్స్లో మాట్లాడారు. సూపరింటెండెంట్డాక్టర్ వెంకటేశ్వర్లు, ఆర్ఎంవో డాక్టర్ బొల్లికొండ శ్రీనివాసరావు, డాక్టర్రామునాయక్, డాక్టర్కేసగాని రాజశేఖర్, మేరి, నందగిరి శ్రీను ఉన్నారు.
