టెక్నాలజీ : ఆండ్రాయిడ్​ ఫోన్​లో కుకీస్​, క్యాచె క్లియర్​

ఆండ్రాయిడ్ ఫోన్​ వెబ్​ బ్రౌజర్​ మీరు చూసిన వెబ్​సైట్స్​ నుంచి చాలా ఫైల్స్​, ఇమేజెస్​, డాటాను తీసుకుంటుంది.  సింపుల్​గా ఫోన్​కి అదో భారం అని చెప్పొచ్చు. గూగుల్​ క్రోమ్​, మొజిల్లా ఫైర్​ఫాక్స్​, సామ్​సంగ్​ ఇంటర్నెట్​... ఏది వాడినా కూడా డాటా మాత్రం కుకీస్​, క్యాచెల్లో స్టోర్​ అవుతుంది. కొన్ని సందర్భాల్లో అంటే... ఎక్కువసార్లు చూసే వెబ్​సైట్స్​ వెంటనే యాక్సెస్​ చేసేందుకు, మీకున్న అకౌంట్స్​లో లాగ్​ అయి ఉండేందుకు ఆ డాటా అవసరమవుతుంది. అంతవరకు ఓకే. కానీ బ్రౌజర్​లో ఉండే కుకీస్​, క్యాచెలో ఉండే చాలా సమాచారం  ఏమాత్రం అవసరం లేనిది. అది కొన్నిసార్లు  ప్రైవసీకి రిస్క్​ అవుతుంది. 

ఎందుకు రెగ్యులర్​గా తీసేయాలి?

కుకీస్​, క్యాచెలో అనేది ప్లెయిన్ జంక్​. ఒక్కసారి చూసిన వెబ్​సైట్స్​ నుంచి కూడా ఈ జంక్​ వచ్చి చేరుతుంది. మిగతాది బ్రౌజింగ్ హిస్టరీని ట్రాక్​ చేస్తుంది. దాని ద్వారా మీకు అడ్వర్టైజ్​మెంట్స్​ చూపెడుతుంటుంది.  అదెలాగంటే... ఏం కొంటున్నారు? ఇంటర్నెట్​లో ఏం స్ట్రీమ్​ చేస్తున్నారు? అనే  దాన్ని బట్టి అడ్వర్టైజ్​మెంట్స్​ చూపిస్తుంటుంది. ఉదాహరణకి... కంటి అద్దాలు కొనాలనుకుని కొన్ని ఇంటర్నెట్​లో బ్రౌజ్​ చేసినా అమెజాన్​ షాపింగ్​ కార్ట్​లో కొనాలనుకున్న వస్తువులను యాడ్​ చేసినా ఆ సమాచారం ద్వారా వాటికి సంబంధించిన అడ్వర్టైజ్​మెంట్స్​ పదే పదే వస్తుంటాయి. 

అందుకనే ఎప్పటికప్పుడు క్యాచె క్లియర్​ చేస్తుండాలి. అలా చేయడం వల్ల ఫోన్​లో చేరిన అవసరంలేని డాటా డిలీట్​ అయిపోతుంది. ప్రత్యేకించి ఫోన్​ కుకీస్​ నుంచి తెలియకుండానే డాటా ట్రాకర్​ ఉండే అవకాశం ఉంది. అందుకే అంతా క్లియర్​ చేసేయాలి. ఇలా చేయడం వల్ల  ఒక చిన్న అసౌకర్యం ఉంటుంది. అదే రెగ్యులర్​గా విజిట్​ చేసే, నచ్చిన వెబ్​సైట్స్​ను లాగ్ బ్యాక్  చేయాల్సి వస్తుంది. కానీ ఫోన్​ ట్రాక్​ కాకుండా, పైరసీ బారిన  ఉంటుంది కాబట్టి ఆ చిన్న అసౌకర్యాన్ని భరించొచ్చు.
అయితే ఫోన్​, వెబ్ బ్రౌజర్​ అప్లికేషన్​ బట్టి క్యాచె క్లియర్​ చేసే స్టెప్స్​ వేరుగా ఉంటాయి. ఆండ్రాయిడ్ ఫోన్లకు డిఫాల్ట్​​గా క్రోమ్​ బ్రౌజర్​ ఉంటుంది. గెలాక్సీ ఫోన్​ సిరీస్​లో సామ్​సంగ్​ ఇంటర్నెట్​ బ్రౌజర్​, మొజిల్లా ఫైర్​ఫాక్స్​ బ్రౌజర్​. యాపిల్​ డివైజెస్​ వాడే వాళ్లు ఐఫోన్​ వెబ్​ బ్రౌజర్​లో క్యాచె ఎలా క్లియర్​ చేయాలో చూసుకోవాలి.

గూగుల్​ క్రోమ్​

గూగుల్​ క్రోమ్​ ఆండ్రాయిడ్​ వెర్షన్​లో బ్రౌజర్​ పైన కుడివైపు నిలువుగా మూడు చుక్కలు కనిపిస్తాయి. అక్కడ ‘మోర్’​ అనే బటన్​ ట్యాప్​ చేసి తరువాత  హిస్టరీ మీద ట్యాప్​ చేయాలి. అప్పుడు డిలీట్​ బ్రౌజింగ్​ డాటా ఆప్షన్​ వస్తుంది. ఆ బటన్​ నొక్కితే జంక్​ డిలీట్​ అయిపోతుంది. అదే క్రోమ్ సెట్టింగ్ మెనులో అయితే ప్రైవసీ అండ్​ సెక్యురిటీ ట్యాప్​ చేసి బ్రౌజింగ్​ డాటా డిలీట్​ చేయొచ్చు.

అలాగే క్రోమ్​ బేసిక్​, అడ్వాన్స్​డ్​ సెట్టింగ్స్​లో బ్రౌజింగ్​ హిస్టరీ, కుకీస్​, సైట్​ డాటా, క్యాచె ఇమేజెస్​​, ఫైల్స్​ డిలీట్​ చేయొచ్చు. అలాగే ఇందులో టైం రేంజ్​ డ్రాప్​ డౌన్​ చేసి సెలక్ట్​ చేసుకుని హిస్టరీ డిలీట్​ చేయాలి అనుకున్నా,  ఆరోజు 24 గంటల్లో కొంత డాటాను సెలక్ట్​ చేసి డిలీట్​ చేయాలనుకున్నా లేదా ఆ నెలలో వాడిన డాటాలో కొంత డిలీట్​ చేయాలి అనుకున్నా అంత మేరకు సెలక్ట్​ చేసుకుని డిలీట్​ చేసుకోవచ్చు.

అడ్వాన్స్​డ్​ అనేది టాప్​ చేసి కైడా సేవ్​ అయిన పాస్​వర్డ్స్​, ఆటోఫిల్​ ఫార్మ్​ డాటా, సైట్ సెట్టింగ్స్​ కూడా డిలీట్ చేయొచ్చు. నీలం రంగులో ఉండే క్లియర్​ డాటా అనే బటన్​ ట్యాప్​ చేస్తే సరిపోతుంది. అప్పుడు అడిషనల్​ ప్రాంప్ట్​ వస్తుంది. ఎందుకంటే కొన్ని వెబ్​సైట్స్​ మీకు అవసరం అనిపించి క్రోమ్​ ఆ ప్రాంప్ట్​ ఇస్తుంది. అలాంటప్పుడు వాటిని ఒకసారి చెక్​ చేసుకుని క్లియర్​ చేసేముందు కన్​ఫర్మ్​ చేయాలి. క్రోమ్ ఇలాంటి ప్రాంప్ట్​ ఇవ్వలేదంటే ​ క్లియర్​ చేయమని ఇన్​స్ట్రక్ట్​ చేస్తుంది.

సామ్​సంగ్​ ఇంటర్నెట్​

సామ్​సంగ్ ఇంటర్నెట్​ బ్రౌజర్​లో రెండు రకాలుగా క్యాచె, కుకీస్​ డాటా క్లియర్​ చేయొచ్చు. అవి బ్రౌజర్​లో చేయడం ఒక పద్ధతి.  ఫోన్​లో సెట్టింగ్స్​ అప్లికేషన్​ నుంచి క్లియర్​ చేయడం రెండో పద్ధతి. సామ్​సంగ్​ ఇంటర్నెట్​ బ్రౌజర్​ అప్లికేషన్​లో చేస్తుంటే మొదట ఆప్షన్స్​ బటన్​ ట్యాప్​ చేయాలి. ఇది కింది భాగంలో కుడి మూలవైపు మూడు చుక్కల దగ్గర ఉంటుంది. ఆ తరువాత సెట్టింగ్స్​లోకి వెళ్లి స్ర్కోల్​ డౌన్​ చేసి పర్సనల్​ బ్రౌజింగ్​ డాటా ట్యాప్​ చేయాలి. అక్కడ డిలీట్ ఆప్షన్​ వస్తుంది. అక్కడ నుంచి బ్రౌజింగ్ హిస్టరీ క్లియర్​ చేసేయొచ్చు. ఫార్మ్​, సెర్చ్​ హిస్టరీ, కుకీస్​, సైట్​ డాటా, క్యాచ్డ్​ ఇమేజెస్​​, ఫైల్స్​, పాస్​ వర్డ్స్​, ఆటోఫిల్​ ఫార్మ్స్​... ఏ కాంబినేషన్​లో అయినా డిలీట్​ చేసుకోవచ్చు. డిలీట్ డాటా ట్యాప్​ చేస్తే మీ ఛాయిస్​ అడుగుతుంది ఆ తరువాత డిలీట్​ చేస్తుంది. 

బ్రౌజర్​ అప్లికేషన్​ ద్వారా అయితే కస్టమైజేషన్​ అంటే... ఏం డిలీట్ చేయాలి అనుకుంటునేది సెలక్ట్​ చేసుకోవచ్చు. అలాకాకుండా ఫోన్​ సెట్టింగ్స్​ మెనులో ఉన్న ఆప్షన్స్​ లాంటివే యాక్సెస్​ చేయాలి అనుకుంటే సెట్టింగ్స్​ను అప్లికేషన్​లో ట్యాప్​ చేసి ఓపెన్ చేయాలి. ఆ తరువాత స్క్రోల్​ డౌన్​ చేసి సామ్​సంగ్​ ఇంటర్నెట్​ని ట్యాప్​ చేయాలి. తరువాత  స్టోరేజి, క్యాచెకి వెళ్లాలి. స్టోరేజి స్క్రీన్​ మీద క్లియర్​ క్యాచె, క్లియర్​ స్టోరేజి అనే ఆప్షన్​ వస్తుంది. క్లియర్​ క్యాచె చేస్తే వెంటనే క్యాచె డిలీట్ అయిపోతుంది.  కానీ క్లియర్​ స్టోరేజి అంటే మాత్రం ప్రాంప్ట్​ వార్నింగ్​ ఇస్తుంది.

ఎందుకంటే స్టోరేజి క్లియరెన్స్​లో అన్ని అప్లికేషన్స్​ డాటా పూర్తిగా డిలీట్​ అయిపోతుంది. అందులో ఫైల్స్​, సెట్టింగ్స్​, అకౌంట్స్​, డాటాబేస్​ వంటివన్నీ ఉంటాయి. ఇది ప్రత్యేకించి కుకీస్​ను చూపించదు. న్యూక్లియర్​ అప్రోచ్​ ఉంటుంది. మిగిలిన డాటా అంతా తీసేస్తుంది. ఆ తరువాత సామ్​సంగ్​ ఇంటర్నెట్​ బ్రౌజర్​ను రీస్టార్ట్​ చేస్తే బ్రాండ్ న్యూ ప్రొడక్ట్​గా మారిపోతుంది.

మొజిల్లా ఫైర్​ఫాక్స్​

గూగుల్ క్రోమ్​లాగానే మొజిల్లా ఫైర్​ఫాక్స్​ ఆండ్రాయిడ్​ అప్లికేషన్​లోనే క్యాచె క్లియర్​ చేయొచ్చు. ఈ ఫంక్షన్​ యాక్సెస్​ చేసేందుకు మోర్​ బటన్​ ట్యాప్​ చేయాలి. ఈ బటన్​ అడ్రెస్​ బార్​కి కుడి వైపున ఉంటుంది. అక్కడ నిలువు వరసలో మూడు చుక్కలు ఉంటాయి. సెట్టింగ్స్​ ట్యాప్​ చేయాలి. తరువాత స్క్రోల్​ డౌన్​ చేసి బ్రౌజింగ్​ డాటా డిలీట్ చేయాలి.

మూడు వెబ్ బ్రౌజర్​లలో క్యాచె ఎలా క్లియర్​ చేయాలో చెప్పుకున్నాం. అయితే ఫైర్​ఫాక్స్​ డిలీట్ బ్రౌజింగ్ డాటా మెను కింద ఎక్కువ ఆప్షన్స్​ ఇస్తుంది. ఇందులో ఓపెన్​ ట్యాబ్స్​ కూడా డిలీట్​ చేయొచ్చు. బ్రౌజింగ్​ హిస్టరీ, సైట్​ పర్మిషన్స్​, డౌన్​లోడ్స్​ ఫోల్డర్స్​తో పాటు కుకీస్​, సైడ్​ డాటా, క్యాచ్​డ్​ ఇమేజెస్​, ఫైల్స్​ కూడా తీసేయొచ్చు. అయితే టైం రేంజ్​కి ఇందులో అవకాశం లేదు. క్రోమ్​లో ఆ ఆప్షన్​ ఉంది. అలాగే ఎలాంటి టైప్​ డాటా రిమూవ్​ చేయాలనుకుంటున్నారు అనేది ఇక్కడ స్పెసిఫై చేయొచ్చు.

అదే ఫైర్​ఫాక్స్​లో అయితే అదనంగా ఒక ఆప్షన్​  ఉంది. అదేంటంటే ఆ అప్లికేషన్ వాడాక డాటా వద్దనుకుంటే అప్పటికప్పుడు డిలీట్​ చేసేయొచ్చు. అందులో సెట్టింగ్స్​లోనే క్విట్​ అనే ఆప్షన్​లో డిలీట్ బ్రౌజింగ్​ డాటా ఉంటుంది. అప్లికేషన్ క్విట్ చేసిన ప్రతిసారీ ఈ కాంబినేషన్​లో ఉన్న అదే సెట్టింగ్స్​ను తీసేయమని ఫైర్​ఫాక్స్​ను ఇన్​స్ట్రక్ట్​ చేస్తుంది. బ్రౌజర్​ను నీట్​గా ఉంచుకోవాలంటే ఇది చాలా ఉపయోగకరమైన ఫీచర్. ఒకవేళ అనుకోకుండా మీ బ్రౌజింగ్​ హిస్టరీని ఎవరి చేతిలోనైనా పడితే వాళ్లు దాన్ని దొంగిలించే అవకాశం ఉంటుంది. లేదంటే ఫోన్​ని వాళ్లు​ యాక్సెస్​ చేసే అవకాశం ఉంటుంది. ఇలాంటి టెన్షన్స్​ లేకుండా ఉండాలంటే ఇది బెస్ట్​ ఆప్షన్​ అవుతుంది.