విజయవాడ పున్నమిఘాట్ లో సీప్లేన్ టూరిజం సేవలను ప్రారంభించారు సీఎం చంద్రబాబు. ఈ క్రమంలో కీలక వ్యాఖ్యలు చేశారు చంద్రబాబు.తాను నాలుగు సార్లు సీఎంగా వ్యవహరించానని.. గత మూడు సార్లు ఎప్పుడూ ఇంత కష్టపడలేదని అన్నారు. విధ్వంసం చేసిన వ్యవస్థను చక్కబెడుతున్నానని.. గాడితప్పిన పాలనను గాడిలో పెడతామని అన్నారు చంద్రబాబు. వెంటిలేటర్‌పై ఉన్న రాష్ట్రానికి ప్రజలు ఆక్సిజన్‌ ఇచ్చారని.. మళ్లీ రాష్ట్రాన్ని నంబర్ వన్‌గా మార్చే వరకు నిద్రపోకుండా పనిచేస్తానని అన్నారు చంద్రబాబు.
కాగా... విజయవాడ పున్నమిఘాట్ లో సీప్లేన్ టూరిజం సేవలను ప్రారంభించారు సీఎం చంద్రబాబు. ఈ కార్యక్రమంలో సీఎంతో పాటు కేంద్రమంత్రి రామ్మోహన్‌నాయుడు కూడా పాల్గొన్నారు. నదిపై సీ ప్లేన్‌ ల్యాండింగ్‌తో పాటు టేకాఫ్ అయిన దృశ్యాలు ఆకట్టుకున్నాయి. సీ ప్లేన్‌లో విజయవాడ నుంచి శ్రీశైలానికి బయలుదేరారు చంద్రబాబు, రామ్మోహన్‌ నాయుడు.
