- మంత్రి ప్రశాంత్రెడ్డి తల్లికి కేసీఆర్ నివాళి
- మంత్రిని ఓదార్చిన ఎంపీ అర్వింద్
నిజామాబాద్, వెలుగు : వేముల ప్రశాంత్రెడ్డి తల్లి వేముల మంజులమ్మ పార్థివదేహానికి సీఎం కేసీఆర్నివాళి అర్పించారు. శుక్రవారం ఆయన హైదరాబాద్ నుంచి హెలికాప్టర్లో వేల్పూర్ మండల కేంద్రానికి చేరుకున్నారు. తల్లి మరణంతో దుఖంలో ఉన్న ప్రశాంత్రెడ్డిని ఓదార్చారు. మంజులమ్మ పార్థివదేహానికి పూలమాల వేసి అంజలి ఘటించారు. సుమారు పది నిమిషాలు అక్కడ ఉండి హైదరాబాద్కు తిరుగు ప్రయాణమయ్యారు. మంత్రి శ్రీనివాస్గౌడ్, రాజ్యసభ సభ్యుడు సంతోష్కుమార్సీఎం వెంట ఉన్నారు.
స్పీకర్ పోచారం శ్రీనివాస్రెడ్డి, మంత్రులు నిరంజన్రెడ్డి, ఇంద్రకరణ్రెడ్డి, ఎమ్మెల్సీ కవిత, ఎమ్మెల్యేలు జీవన్రెడ్డి, మహ్మద్షకీల్, గణేశ్గుప్తా, డీసీసీబీ అధ్యక్షుడు పోచారం భాస్కర్రెడ్డి తదితరులు ప్రశాంత్రెడ్డిని ఓదార్చారు. సీఎం కేసీఆర్వెళ్లాక మంజులమ్మ అంతమ యాత్ర ప్రారంభించగా చిన్న కొడుకు అజయ్రెడ్డి తల్లి చితికి నిప్పంటించారు.
సీఎం కేసీఆర్ రావడానికి ముందు ఎంపీ అర్వింద్.. మంత్రి ప్రశాంత్రెడ్డి ఇంటికి వెళ్లి మంజులమ్మ పార్థి వదేహానికి పూలమాల వేసి నివాళి అర్పించారు. అనంతరం మంత్రిని పరామర్శించారు. ఎంపీ వెంట బీజేపీ నిజామాబాద్ జిల్లా ప్రెసిడెంట్ బస్వా లక్ష్మినర్సయ్య, పల్లె గంగారెడ్డి, ఏలేటి మల్లికార్జున్రెడ్డి, మోహన్రెడ్డి ఉన్నారు.
