బీర్కుర్/బాన్స్వాడ/వెలుగు : స్పీకర్ పోచారం శ్రీనివాస్రెడ్డి ప్రాతినిథ్యం వహిస్తున్న బాన్స్వాడ నియోజకవర్గంపై సీఎం కేసీఆర్వరాల జల్లు కురిపించారు. బుధవారం నియోజక వర్గంలోని ఆధ్యాత్మిక వేడుకకు హాజరైన ఆయన స్పీకర్పై కూడా ప్రశంసల వర్షం కురిపించారు. మధ్యాహ్నం12 గంటలకు జిల్లాకు చేరుకున్న సీఎం తిరిగి సాయంత్రం 4 గంటలకు వెళ్లిపోయారు. మొత్తం 4 గంటల పాటు జిల్లాలో ఉన్నారు. స్పీకర్ పోచారం శ్రీనివాస్రెడ్డి కూడా సీఎంను పొగడ్తలతో ముంచెత్తారు.
వెంకటేశ్వరుడి కల్యాణంలో సీఎం దంపతులు..
తెలంగాణ తిరుమలగా పేరుగాంచిన బీర్కూర్ మండలం తిమ్మాపూర్లోని గుట్టపైన వెంకటేశ్వర స్వామి కల్యాణంలో సీఎం కేసీఆర్ దంపతులు పాల్గొన్నారు. మధ్యాహ్నం హైదరాబాద్నుంచి హెలికాప్టర్లో బాన్స్వాడకు చేరుకున్నారు. ఇక్కడి నుంచి ప్రత్యేక బస్సులో తిమ్మాపూర్కు వచ్చారు. దారి మధ్యలో మహిళలు, పార్టీ కార్యకర్తలు, స్టూడెంట్లు పూలు చల్లుతూ కేసీఆర్కు స్వాగతం పలికారు. సీఎం పక్కన పోచారం శ్రీనివాస్రెడ్డి కూర్చొని దారి వెంట జిల్లాలోని అభివృద్ధి పనులు, పంట పొలాలను చూపించారు. కొండ వద్ద రూ.23 కోట్లతో చేపట్టిన అభివృద్ధి పనులకు సంబంధించిన ఫైలాన్ను సీఎం ఆవిష్కరించారు. అనంతరం స్వామి వారికి పూజలు చేసి కల్యాణంలో పాల్గొన్నారు. అనంతరం అర గంటకు పైగా ఆలయంలో గడిపారు. ఆ తర్వాత అక్కడి నుంచి కృతజ్ఞత సభకు వచ్చారు. ఈ సందర్భంగా బాన్స్వాడ నియోజక వర్గానికి సీడీఎఫ్ నుంచి రూ.57 కోట్లు శాంక్షన్ చేశారు. టెంపుల్ వద్ద మిలిగిపోయిన పనులు చేపట్టడానికి రూ. 7 కోట్లు శాంక్షన్చేస్తున్నట్లు ప్రకటించారు. 67 ఎకరాల స్థలాన్ని టెంపుల్కు కేటాయిస్తూ జీవో జారీ చేశారని స్పీకర్ తెలిపారు. అనంతరం తిమ్మాపూర్ నుంచి బస్సులో బాన్స్వాడలోని పోచారం శ్రీనివాస్రెడ్డి ఇంటికి చేరుకున్నారు. అక్కడ అరగంట పాటు గడిపారు. సాయంత్రం 4 గంటలకు హెలి కాప్టర్లో హైదరాబాద్కు వెళ్లారు.
ఘన స్వాగతం పలికిన బీఆర్ఎస్ శ్రేణులు
హెలీపాడ్ వద్ద సీఎం కేసీఆర్కు ఉమ్మడి నిజామాబాద్జిల్లా ప్రజాప్రతినిధులు ఘనస్వాగతం పలికారు. ప్రోగ్రాంలో స్పీకర్ పోచారం శ్రీనివాస్రెడ్డి, మంత్రి వేముల ప్రశాంత్రెడ్డి, ఎంపీలు బీబీపాటిల్, కేఆర్. సురేశ్రెడ్డి, ప్రభుత్వ విప్ గంప గోవర్ధన్, ఆర్టీసీ చైర్మన్బాజిరెడ్డి గోవర్ధన్, ఎమ్మెల్యేలు హన్మంత్ షిండే, జాజాల సురేందర్, జీవన్ రెడ్డి, షకీల్, గణేశ్ గుప్తా, ఎమ్మెల్సీలు వీజీగౌడ్, రాజేశ్వర్, జడ్పీ చైర్మన్దఫేదర్ శోభ, విఠల్రావు, రాష్ట్ర ఉర్దూ అకాడమీ చైర్మన్ముజీబుద్దీన్, డీసీసీబీ చైర్మన్పోచారం భాస్కర్రెడ్డి తదితరులు పాల్గొన్నారు.
భారీ బందోబస్తు
సీఎం పర్యటన నేపథ్యంలో పోలీసులు భారీ బందోబస్తు ఏర్పాటు చేశారు. పలు జిల్లాల నుంచి వెయ్యి మందితో పోలీసులు బందోబస్తులో పాల్గొన్నారు.
