సికింద్రాబాద్, వెలుగు : హైదరాబాద్మాజీ ఆర్చ్బిషప్తుమ్మబాలకు సీఎం రేవంత్రెడ్డి నివాళులు అర్పించారు. కొంతకాలంగా అనారోగ్యంతో బాధపడుతున్న తుమ్మబాల గురువారం తుదిశ్వాస విడిచారు. ఈ మేరకు శుక్రవారం సికింద్రాబాద్లోని సెయింట్మేరీ స్కూల్ లో ఆయన పార్థివదేహానికి సీఎం నివాళులర్పించారు. అనంతరం ఆయన మాట్లాడుతూ.. తుమ్మబాలతో తనకు వ్యక్తిగతంగా ప్రత్యేక అనుబంధం ఉందని అన్నారు. 2019 ఎంపీ ఎన్నికల్లో, 2023 శాసనసభ ఎన్నికల్లో ఆయన తమను మంచి మనసుతో ఆశీర్వదించారని చెప్పారు.
వారి ఆశీర్వాదంతో రాష్ట్రంలో ప్రజా ప్రభుత్వం ఏర్పడిందన్నారు. శాంతి, మత సామరస్యం, విద్యను ప్రజలకు అందించడంలో తుమ్మబాల ఎనలేని కృషి చేశారని అన్నారు. ఆయన మరణం సమాజానికి తీరని లోటని, వారి అభిమానులకు తీరని దుఃఖాన్ని మిగిల్చిందని సీఎం రేవంత్రెడ్డి పేర్కొన్నారు. వారి సందేశ స్ఫూర్తితో ప్రజలు ముందుకు వెళ్లాలని సీఎం సూచించారు.
అలాగే, తుమ్మబాల మృతి పట్ల మాజీ సీఎం కేసీఆర్ కూడా సంతాపం ప్రకటించారు. బిషప్‌‌‌‌తో తనకున్న పరిచయాన్ని ఆయన గుర్తుచేసుకున్నారు. తుమ్మబాల కుటుంబ సభ్యులకు కేసీఆర్ తన ప్రగాఢ సానుభూతిని తెలిపారు.
