కాజీపేట, తొర్రూరు, వెలుగు: రాష్ట్ర ఆయిల్ సీడ్స్, గ్రోవర్స్ ఫెడరేషన్ లిమిటెడ్ చైర్మన్ జంగా రాఘవ రెడ్డి బిడ్డ పెండ్లికి సీఎం రేవంత్ రెడ్డి హాజరయ్యారు. ఆదివారం హన్మకొండ జిల్లా మడికొండలోని సత్యసాయి గార్డెన్స్లో జంగారాఘవరెడ్డి సుజాత దంపతుల కూతురు డాక్టర్ నిఖితారెడ్డి, డాక్టర్ అవినాశ్రెడ్డిల వివాహం జరిగింది. హైదరాబాద్ నుంచి మడికొండకు హెలికాప్టర్లో వచ్చిన సీఎం రేవంత్.. అక్కడి నుంచి రోడ్డుమార్గాన వివాహవేదిక వద్దకు చేరుకున్నారు.
వధూవరులకు బొకే ఇచ్చి శుభాకాంక్షలు తెలిపారు. సీఎం వెంట డిప్యూటీ సీఎం మల్లు భట్టివిక్రమార్క, మంత్రులు ఉత్తమ్ కుమార్ రెడ్డి, కోమటిరెడ్డి వెంకట్ రెడ్డి, పొంగులేటి శ్రీనివాసరెడ్డి, కొండా సురేఖ, సీతక్క, ఎమ్మెల్సీ బస్వరాజు సారయ్య ఉన్నారు. అనంతరం సీఎం తిరిగి హైదరాబాద్కు చేరుకున్నారు. ఈ వేడుకకు మంత్రి శ్రీధర్ బాబు, ఎమ్మెల్యేలు కేఆర్.నాగరాజు, యశస్వినీ రెడ్డి, రేవూరి ప్రకాశ్ రెడ్డి, దొంతి మాధవరెడ్డి, జాటోతు రాంచంద్రునాయక్, కడియం శ్రీహరి, పల్లా రాజేశ్వర్ రెడ్డి, పాడి కౌశిక్ రెడ్డి, ఎంపీలు కడియం కావ్య, పోరిక బలరాంనాయక్, గ్రేటర్ వరంగల్ మేయర్ గుండు సుధారాణి హాజరయ్యారు.
ఝాన్సీ రెడ్డికి రేవంత్ పరామర్శ
పాలకుర్తి నియోజకవర్గ కాంగ్రెస్ ఇన్చార్జి హనుమండ్ల ఝాన్సీ రెడ్డిని సీఎం రేవంత్రెడ్డి హైదరాబాద్లోని ఆమె ఇంట్లో పరామర్శించారు. తొర్రూరులో జరిగిన కార్యక్రమంలో గాయపడిన ఆమె బంజారాహిల్స్లోని తన ఇంట్లో విశ్రాంతి తీసుకుంటున్నారు. ఆదివారం పీసీసీ చీఫ్ మహేశ్ కుమార్ గౌడ్, ప్రభుత్వ సలహాదారు వేం నరేందర్ రెడ్డి, హైదరాబాద్ డీసీసీ అధ్యక్షుడు రోహిన్ రెడ్డితో కలిసి ఆమెను సీఎం పరామర్శించారు.
