- కేంద్రమంత్రి కిషన్రెడ్డిపై సీఎం రేవంత్రెడ్డి ఫైర్
- సబర్మతికి సప్పట్లు కొట్టి.. మూసీకి అడ్డు పడతవా?
- మోదీ గుజరాత్కు నిధులు తీస్కపోతుంటే గుడ్లప్పగించి చూస్తున్నవ్
- మిమ్మల్ని ఇక్కడి ప్రజలు గెలిపించిన్రు కదా.. బాధ్యత లేదా?
- చిత్తశుద్ది ఉంటే రూ.25 వేల కోట్లు తీసుకువచ్చి చూపించు
- లష్కర్ ఎంపీగా ఏం ప్రణాళిక ఉందో చెప్పాలని డిమాండ్
హైదరాబాద్, వెలుగు : ప్రధాని మోదీ అహ్మదాబాద్లో సబర్మతి రివర్ డెవలప్మెంట్ ఫ్రంట్పనులు చేస్తుంటే ఇక్కడ కేంద్ర మంత్రి కిషన్రెడ్డి చప్పట్లు కొడుతున్నారని సీఎం రేవంత్ రెడ్డి అన్నారు. 25 ఏండ్ల నుంచి కిషన్రెడ్డిని హైదరాబాద్ప్రజలు భుజాల మీద మోస్తున్నారని, ఆయన మాత్రం మూసీ రివర్ఫ్రంట్వద్దు అంటున్నాడని ఫైర్ అయ్యారు. మూసీ అభివృద్ధి అయితే మోదీ కంటే తెలంగాణకు మంచిపేరు వస్తదనే.. కాళ్లల్లో కట్టె పెట్టి కట్టనియ్యం అని, మూసీలో పండుకుంటం అని అంటున్నాడని మండిపడ్డారు. కిషన్రెడ్డి మూసీలో పండుకున్నా.. మూసీలో మునిగి ఆత్మహత్య చేసుకున్నా..
ఇక్కడి ప్రజలు వారిని పట్టించుకోరని అన్నారు. కిషన్రెడ్డికి చిత్త శుద్ధి ఉంటే మోదీ దగ్గరకు వెళ్లి కేంద్రం నుంచి మూసీ రివర్డెవలప్మెంట్ కోసం రూ.25వేల కోట్లు తీసుకురావాలని డిమాండ్ చేశారు. మూసీలో పేదల కోసం మొసలి కన్నీరు కారుస్తున్న కిషన్రెడ్డి రూ.10 వేల కోట్లు తీసుకురావాలని, మూసీ ఒడ్డున ఉన్నోళ్లకు, మూసీ మురికిలో ఇబ్బంది పడుతున్నోళ్లకు పీఎం ఆవాస్యోజన స్కీమ్ కింద ఎంత భూమి అయినా కేటాయిస్తామని, వారికి అపార్ట్మెంట్లు, స్కూళ్లు, కాలేజీలు కట్టించి ఇద్దామని చెప్పారు. సికింద్రాబాద్నుంచి2 సార్లు కేంద్రమంతి అయిన కిషన్రెడ్డికి బాధ్యత లేదా? అని ప్రశ్నించారు.
మోదీ దగ్గర ప్రతి ఏటా రూ.40 వేల కోట్ల బడ్జెట్ఉంటదని, మోదీ గుజరాత్ బుల్లెట్ ట్రైన్తీసుకుపోతరని, సబర్మతి రివర్ఫ్రంట్ప్రాజెక్టు అమలు చేస్తరని, గుజరాత్కు గిఫ్ట్సిటీ కట్టుకుంటడని, మరి కిషన్రెడ్డి సికింద్రాబాద్కు ఏం గిఫ్ట్తీసుకువచ్చాడో..తీసుకువస్తాడో చెప్పాలని డిమాండ్ చేశారు. ‘కిషన్రెడ్డిని అడుగుతున్నా.. ఒక్క రూపాయి అయినా తీసుకొచ్చావా ? గతంలో అంటే వాళ్లు చేసిన ఎదవ పనులకు ఇయ్యాల ఫాంహౌజ్లో పండుకున్నరు. వాళ్ల గురించి చర్చించడం కూడా దండగ మారి యవ్వారం.
వాళ్ల గురించి మనం మాట్లాడుకోవాల్సిన అవసరం లేదు. కిషన్రెడ్డి సమాధానం చెప్పాలి’ అని అన్నారు. కొత్తగా మెట్రో రైలు కోసం116 కిలోమీటర్లకు ప్రతిపాదన పంపామని, దాదాపు రూ.35 వేల కోట్లు అవసరమున్నదని, ఇప్పుడు మోదీ నుంచి మెట్రోకు ఎన్ని నిధులు తీసుకొస్తారో చెప్పాలని కిషన్రెడ్డికి సవాల్ చేశారు. మోదీ ‘గుజరాత్కు, బెంగళూరుకు, చెన్నైకి మెట్రోఇస్తడని, ఇక్కడ బీజేపీకి ఓట్లు వేయలేదా ? మీరు గెలవలేదా.. కేంద్రమంత్రి కాలేదా ? ఎన్ని నిధులు తెస్తవో జవాబు చెప్పు’ అని ప్రశ్నించారు.
లక్షన్నర కోట్లు ఇప్పిస్తే సన్మానం చేస్త...
బీఆర్ఎస్, బీజేపీ మూసీ ప్రక్షాళనను ఎందుకు అడ్డుకుంటున్నాయో చెప్పాలని సీఎం రేవంత్ డిమాండ్ చేశారు. ‘‘మూసీ కాలుష్యాన్ని తొలగించాల్సిన అవసరం లేదా? హైదరాబాద్ మరో ఢిల్లీలాగా మారాలా?’ అనే ప్రశ్నలు సమాధా నం చెప్పాలని అన్నారు. ప్రపంచంతో పోటీ పడాలంటే ఎస్టీపీలు, ట్రిపుల్ఆర్, రేడియల్ రోడ్లు, ఫ్లైఓవర్లు కట్టుకోవాలని, గోదావరి, కృష్టా జలాలను తాగడానికి తరలించుకోవాలని, మెట్రో రైలు విస్తరించుకోవాలని, ఇవన్నీ చేయాలంటే ఈ రోజు ఉన్న అంచనాలకే రూ. లక్షన్నర కోట్లు కావాలని తెలిపారు. రాబోయే నాలుగేండ్లలో లక్షన్నర కోట్లు ఖర్చు పెడితే హైదరాబాద్ అద్భుతమైన నగరంగా మారుతుందన్నారు.
దీనికి కేంద్రం సహకరించాలని కోరారు. బీఆర్ఎస్ వాళ్లు చేయలేనిది తాము చేస్తున్నామని, తమకు పేరు వస్తే వాళ్ల ఉనికి మాయమైతదని బాధపడుతున్నారని తెలిపారు. పదేండ్ల అనుభంతో కేసీఆర్, మున్సిపల్, ఇండస్ట్రీస్ మంత్రి అనుభవంతో కేటీఆర్ ఇట్లా తండ్రి కొడుకులిద్దరూ హైదరాబాద్ అభివృద్ధికి పాలసీ డాక్యుమెంట్ ఇవ్వాలన్నారు. 11 ఏండ్ల నుంచి 3 సార్లు పీఎంగా మోదీ ఉన్నారని, హైదరాబాద్లో వరదలు వచ్చి మునిగిపోతే ఒక్క పైసా ఇయ్యలేదన్నారు. ఆ టైంలో బండి సంజయ్.. కారు పోతే కారు, ఆటో పోతే ఆటో, బండికి బండి అన్నడని, తర్వాత ఇన్సూరెన్స్ ఉంటది కదా కదా మీరే తెచ్చుకోర్రి అన్నడని, ఇది వాళ్ల నీతి అని పేర్కొన్నారు.
‘కిషన్రెడ్డిని అడుగుతున్నా.. మీరు నిధులు తెస్తరా? లేదా గుజరాత్కు వలసపోయి అక్కడే బతుకుతరా? సికింద్రాబాద్ ఎంపీవి కదా ఏం ప్రణాళిక ఉందో చెప్పు? యాక్షన్ప్లాన్ఏందో చెప్పు? ట్రాఫిక్సమస్యకు మెట్రోవిస్తరణపై నీ విధానం ఏంటి ? ఫ్లైఓవర్లు కట్టాలి.. మా ప్రణాళికలు నచ్చలేదు అడ్డుకుంటా అంటున్నావు కదా..ఆరు నెలలు ఊరుకుంటా ఏం చేస్తవో.. తెస్తవో చెప్పు. మోదీని తీసుకువచ్చి లక్షన్నర కోట్లు ఇప్పియ్యు. పది లక్షల మందితో పరేడ్గ్రౌండ్లో తెలంగాణ సమాజాన్ని అంతా పిలిచి నీకు, మోదీకి సన్మానం చేస్త. ఆ జిమ్మెదారి నేను తీసుకుంటా’ అని సీఎం అన్నారు.
