- సీఎం రేవంత్ రెడ్డికి భద్రాచల దేవస్థానం ఆహ్వానం
భద్రాచలం, వెలుగు: శ్రీ సీతారాముల కల్యాణానికి రావాలని సీఎం రేవంత్రెడ్డికి ఆహ్వానం అందింది. ఈ మేరకు దేవాదాయ శాఖ మంత్రి కొండా సురేఖ ఆధ్వర్యంలో ప్రిన్సిపల్ సెక్రటరీ శైలజారామన్ అయ్యర్, ఈవో రమాదేవి, భద్రాచలం సీతారామ చంద్రస్వామి దేవస్థానం అర్చకులు ఆదివారం ఆహ్వాన పత్రికలను సీఎంకు అందజేశారు. సీఎం రేవంత్తోపాటు డిప్యూటీ సీఎం మల్లుభట్టి విక్రమార్క, వ్యవసాయశాఖ మంత్రి తుమ్మల నాగేశ్వరరావును ఆహ్వానించారు. అంతకుముందు అర్చకులు సీఎం రేవంత్రెడ్డికి వేదాశీర్వచనం ఇచ్చి ప్రసాదం, జ్ఞాపికలను అందజేశారు.
దేవస్థానం వేదపండితుడు ఎస్టీజీ అంతర్వేది కృష్ణమాచార్యులు రచించిన తెలుగు కావ్య ప్రబంధ కథలు గ్రంథాన్ని సీఎం రేవంత్ ఆవిష్కరించారు. తెలుగు భాషలో ప్రసిద్ధి పొందిన కవులు రచించిన కావ్యాలు, ప్రబంధాల కథలు ఈ గ్రంథంలో ఉన్నాయి.
