- కార్యకర్తలకు దిశానిర్దేశం
- అసెంబ్లీ సెగ్మెంట్ల వారీగా మీటింగులు
కామారెడ్డి, వెలుగు : జహీరాబాద్పార్లమెంట్ స్థానం నుంచి గెలిచేందుకు మూడు ప్రధాన పార్టీలు పట్టుదలతో పని చేస్తున్నాయి. ఇప్పటికే అభ్యర్థులను ప్రకటించిన పార్టీలు ప్రచార జోరు పెంచుతున్నాయి. ఇక్కడ కాంగ్రెస్ నుంచి మాజీ ఎంపీ సురేశ్ షేట్కార్, బీజేపీ నుంచి ఎంపీ బీబీపాటిల్, బీఆర్ఎస్ నుంచి గాలి అనిల్కుమార్లు పోటీ చేయనున్నారు. సీనియర్ నాయకులను పార్లమెంట్ఇన్చార్జిలుగా నియమించి పార్టీని గెలిపించే బాధ్యతలు వారికి అప్పగించారు.
ఇన్చార్జిలు అసెంబ్లీ సెగ్మెంట్ల వారీగా మీటింగ్లు పెడుతూ కేడర్ను ప్రచారానికి సన్నద్ధం చేస్తున్నారు. వరుసగా రెండుసార్లు ఇక్కడ గెలిచిన బీఆర్ఎస్ మూడోసారి కూడా విజయం సాధించాలని ఆరాటపడుతోంది. అసెంబ్లీ ఎన్నికల్లో అధికారంలోకి వచ్చిన కాంగ్రెస్ .. జహీరాబాద్లో మళ్లీ పాగా వేయాలని చూస్తోంది. బీఆర్ఎస్ నుంచి బీజేపిలో చేరిన బీబీ పాటిల్హాట్రిక్ మీద కన్నేశారు. ఆయన మోదీ, అయోధ్య రామమందిరాల మీద ఆశలు పెట్టుకున్నారు.
కాంగ్రెస్కేడర్లో జోష్
జహీరాబాద్లో ఎట్టి పరిస్థితుల్లో గెలవాలని కాంగ్రెస్గట్టి పట్టుదలతో ఉంది. కాంగ్రెస్ అభ్యర్థి సురేశ్ షేట్కార్ ఇది వరకు ఇక్కడ నుంచి ఎంపీగా ప్రాతినిధ్యం వహించారు. తెలంగాణ ఉద్యమ కాలంలో ఆయన క్రీయాశీలంగా పని చేశారు. పార్లమెంట్ పరిధిలో విస్తృత పరిచయాలు ఉండటం, నియోజకవర్గంతో ఆయన సామాజిక వర్గం బలంగా ఉండడం, బీసీ కార్డు కలిసి వస్తాయని భావిస్తున్నారు.
అభ్యర్థిని ప్రకటించిన తర్వాత సీఎం రేవంత్రెడ్డి జహీరాబాద్ పరిధిలోని ముఖ్యనేతలతో రెండుసార్లు సమావేశమయ్యారు. క్షేత్రస్థాయిలో ప్రచారం, ఎన్నికల వ్యుహాలపై చర్చించారు. పార్లమెంట్నియోకవర్గానికి ఇన్చార్జిగా సీనియర్మంత్రి దామోదర రాజనర్సింహాను నియమించారు. కామారెడ్డి జిల్లా పరిధిలోని నాలుగు అసెంబ్లీ సెగ్మెంట్ల పరిధిలో పార్టీ సీనియర్ నాయకులకు మండలాల వారీగా బాధ్యతలు అప్పగించారు. పార్టీ అధికారంలోకి రావడంతో గ్రామస్థాయి నుంచి కేడర్ ఉత్సాహంగా పని చేస్తోంది.
ప్రచారంలో బీజేపీ ముందంజ..
బీజేపీ తరపున సిట్టింగ్ ఎంపీ బీబీపాటిల్ బరిలో ఉన్నారు. బీఆర్ఎస్ నుంచి రెండుసార్లు గెలిచిన ఆయన ఇటీవల బీజేపీలో చేరి టికెట్ దక్కించుకున్నారు. బీజేపీ జహీరాబాద్పార్లమెంట్ ఇన్చార్జిగా కామారెడ్డి ఎమ్మెల్యే కాటిపల్లి వెంకటరమణరెడ్డిని నియమించింది. అభ్యర్థిని ప్రకటించకముందే పార్లమెంట్ పరిధిలోని అసెంబ్లీ సెగ్మెంట్లలో వెంకటరమణారెడ్డి మీటింగ్లు నిర్వహించారు. ఆతర్వాత మండలాల వారీగా మీటింగ్లు పెడుతున్నారు. హైదరాబాద్లో బూత్ కన్వీనర్లతో మీటింగ్నిర్వహించి క్షేత్రస్థాయిలో ప్రచారం ముమ్మరం చేశారు. 10 ఏండ్లు ఎంపీగా ఉన్న పాటిల్ నియోజక వర్గాల్లో తనకున్న పరిచయాలు కూడా కలిసివస్తాయని ఆశిస్తున్నారు.
గెలుపు కోసం బీఆర్ఎస్ ఆరాటం
సిట్టింగ్ ఎంపీ పాటిల్ సరిగ్గా ఎన్నికలకు ముందు బీజేపీలో చేరడంతో బీఆర్ఎస్ అభ్యర్థి కోసం వెతుక్కోవాల్సివచ్చింది. చివరికి గాలి అనిల్కుమార్ పేరును కేసీఆర్ ప్రకటించారు. అసెంబ్లీ ఎన్నికల్లో పరాజయంతో గులాబీ శ్రేణులు డీలా పడినా.. ఇక్కడ గెలవాలని ఆ పార్టీ ప్రయత్నిస్తోంది. కామారెడ్డి, ఎల్లారెడ్డి, బాన్సువాడ, జుక్కల్అసెంబ్లీ సెగ్మెంట్లలో మీటింగ్లు నిర్వహిస్తున్నారు. బీఆర్ఎస్ పార్టీని గెలిపించే బాధ్యతను మాజీ మంత్రి హరీశ్ రావు, మాజీ స్పీకర్ పోచారం శ్రీనివాస్రెడ్డి తీసుకున్నారు. .అసెంబ్లీ ఎన్నికల్లో కాంగ్రెస్ ఇచ్చిన హామీలు అమలు చేయడంలేదన్న ప్రచారాన్ని జనంలోకి తీసుకెళ్లి లాభపడాలని ఆశిస్తున్నారు.
