ఆదిలాబాద్ టౌన్, వెలుగు: ఆదిలాబాద్ జిల్లాలో పైలట్ప్రాజెక్టుగా సీఎం రేవంత్రెడ్డి, జిల్లా ఇన్చార్జ్ మంత్రి సీతక్క ప్రతిష్ఠాత్మకంగా చేపట్టిన సీఎం ప్రజావాణి కార్యక్రమం సోమవారం ప్రారంభమైంది. అన్ని మండల కేంద్రాల్లోని ఎంపీడీవో కార్యాలయాల్లో ప్రత్యేక కౌంటర్లు ఏర్పాటు చేసి అధికారులు ప్రజల నుంచి అర్జీలు స్వీకరించారు. ప్రజలు ఏ సమస్య ఉన్నా ఈ ప్రజావాణి కార్యక్రమంలో దరఖాస్తులు చేసుకోవచ్చని.. అన్ని సమస్యలకు పరిష్కారం లభిస్తుందని అధికారులు తెలిపారు.
సద్వినియోగం చేసుకోవాలి
జిల్లాలో పైలట్ ప్రాజెక్టుగా ప్రారంభించిన సీఎం ప్రజావాణి కార్యక్రమాన్ని ప్రజలు సద్వినియోగం చేసుకోవాలని కాంగ్రెస్ జిల్లా అధికార ప్రతనిధి పసుల చంటి కోరారు. సోమవారం బోథ్ మండల కేంద్రంలో ఆయన విలేకరుల సమావేశంలో మాట్లాడారు. ప్రజా సమస్యల పరిష్కారానికి ఇది మంచి అవకాశమ న్నారు. సమావేశంలో పార్టీ నేత పోతన్న పాల్గొన్నారు.
