షాద్ నగర్,వెలుగు: నియోజక వర్గంలోని ఫరుక్ నగర్ మండలం మొగిలిగిద్ద ఉన్నత పాఠశాల 150 వసంతాలు పూర్తి చేసుకున్న సందర్భంలో ఈ నెల 31న నిర్వహించే ఉత్సవాలకు సీఎం రేవంత్ రెడ్డి రానున్నారు. ఈ నేపథ్యంలో ప్రొఫెసర్ హర గోపాల్, స్థానిక శాసనసభ్యులతో కలిసి కలెక్టర్ సి.నారాయణ రెడ్డి గురువారం పాఠశాల ఆవరణలో సమావేశం నిర్వహించారు. ఈ సందర్భంగా కలెక్టర్ మాట్లాడుతూ... ప్రొఫెసర్ హర గోపాల్ రాష్ట్ర ముఖ్యమంత్రిని ఉత్సవాలకు ఆహ్వానించడం గర్వకారణం అన్నారు. ఈ సమావేశంలో డీఈఓ సుశిందర్ రావు, డీపీఓ సురేశ్ మోహన్, ఆర్డీఓ సరిత పాల్గొన్నారు.
హరగోపాల్కు ఎమ్మెల్యే పాదాభివందనం
నియోజకవర్గంలో పాఠశాల, కళాశాలల అభివృద్ధిపై ఎమ్మెల్యే శంకర్ కృషి చేయడం అభినందనీయమని ప్రొ. హరగోపాల్ అన్నారు. గురువారం ఆయన ఎమ్మెల్యే శంకర్ను క్యాంప్ ఆఫీస్లో కలిశారు. ఈ సందర్భంగా హరగోపాల్కు ఎమ్మెల్యే శంకర్ పాదాభివందనం చేసి, స్వాగతం పలికారు. అనంతరం ప్రభుత్వ జూనియర్ కళాశాల ను సందర్శించారు. కార్యక్రమంలో పాలమూరు ప్రజా వేదిక కన్వీనర్ రాఘవులు, మార్కెట్ కమిటీ వైస్ చైర్మన్ మహ్మద్ అలీ ఖాన్ బాబర్, అగునూరు విశ్వం, చల్లా శ్రీకాంత్ రెడ్డి దితరులున్నారు.
