వనపర్తి, వెలుగు: మార్చి 2న సీఎం రేవంత్ రెడ్డి వనపర్తికి వస్తున్నారని ఎమ్మెల్యే తూడి మేఘారెడ్డి తెలిపారు. వనపర్తిలో 500 పడకల ఆసుపత్రి నిర్మాణానికి ఆరోగ్యశాఖ మంత్రి దామోదర రాజనర్సింహ అంగీకరించారని తెలిపారు. మంగళవారం నాగర్కర్నూల్ఎంపీ మల్లురవితో కలిసి ఆరోగ్యశాఖ మంత్రిని ఎమ్మెల్యే తూడి మేఘారెడ్డి కలిశారు.
మార్చి 2వ తేదీన సీఎంతో కలిసి ఆసుపత్రి నిర్మాణానికి శంకుస్థాపన చేయనున్నట్లు రాష్ట్ర ఆరోగ్యశాఖ మంత్రి దామోదర రాజనర్సింహ తెలిపారన్నారు. పెబ్బేరులో 30 పడకల ఆసుపత్రికి శంకుస్థాపన చేయనున్నారన్నారు. ఈ సందర్భంగా నియోజకవర్గంలో రూ. 1000 కోట్ల అభివృద్ధి కార్యక్రమాలకు శంకుస్థాపనలు చేయనున్నట్లు ఎమ్మెల్యే పేర్కొన్నారు.
