హైదరాబాద్, వెలుగు : తెలంగాణ జర్నలిస్టుల అధ్యయన వేదిక డైరీని సీఎం రేవంత్ రెడ్డి ఆవిష్కరించారు. గురువారం సచివాలయంలో సీఎం రేవంత్ రెడ్డిని తెలంగాణ జర్నలిస్టుల అధ్యయన వేదిక అధ్యక్షుడు బోధనపల్లి వేణుగోపాల్ రెడ్డి, ఇతర సభ్యులు కలిసి డైరీని అందజేశారు. ఈ సందర్భంగా సీఎం రేవంత్ రెడ్డి శుభాకాంక్షలు తెలిపారు. కాంగ్రెస్ ప్రభుత్వం చేపడుతున్న సంక్షేమఅభివృద్ధి ఫలాలు ప్రజలకు చేరేలా జర్నలిస్టులు తమవంతు కృషి చేయాలని సీఎం సూచించారు.
కార్యక్రమంలో వేణుగోపాల్ రెడ్డితో పాటు జనరల్ సెక్రటరీ మహ్మద్ సాదిక్ పాషా, వైస్ ప్రెసిడెంట్లు కోడూరు శ్రీనివాసరావు, జంగిటి వెంకటేశ్, జాయింట్ సెక్రటరీ మధు మల్కేడికర్, కోశాధికారి సురేశ్ వేల్పుల, ఎక్జిక్యూటివ్ మెంబర్లు సోము సముద్రాల, కంచెరాజు తదితరులు పాల్గొన్నారు.
