స్టేషన్ఘన్పూర్, వెలుగు: హనుమకొండ జిల్లా పర్యటనకు వచ్చిన సీఎం రేవంత్రెడ్డికి ఉమ్మడి జిల్లా నేతలు ఘన స్వాగతం పలికారు. కాజీపేట మండలం మడికొండలోని సత్యసాయి కన్వెన్షన్ హాల్లో రాష్ర్ట ఆయిల్ ఫెడ్ కార్పొరేషన్ చైర్మన్ జంగా రాఘవరెడ్డి కుమార్తె నిఖితారెడ్డి వివాహ వేడుకలకు సీఎం హాజరయ్యారు. ఆయనకు వరంగల్ ఎంపీ కడియం కావ్య, స్టేషన్ఘన్పూర్ ఎమ్మెల్యే కడియం శ్రీహరితో పాటు పలువురు ఎమ్మెల్యేలు బొకేలు అందజేసి ఘన స్వాగతం పలికారు.
అంతకుముందు ఎమ్మెల్యే కడియం శ్రీహరి క్యాంప్ఆఫీస్లో అంతర్జాతీయ కరాటే చాంపియన్షిప్పోటీలకు ఎంపికైన జఫర్గడ్మండలం ఓబుళాపురానికి చెందిన సార్ధక్కుమార్కు ఆర్థిక సాయం అందించారు. గోవాలో నిర్వహించే టోర్నమెంట్కు వెళ్లేందుకు ఆర్థిక ఇబ్బందులు ఉండడంతో విషయం తెలుసుకున్న వరంగల్ఎంపీ కావ్య, ఎమ్మెల్యే శ్రీహరి బాలుడికి చేయూతనందించారు.
