జేఎన్టీయూ, వెలుగు: జేఎన్టీయూలో కొత్తగా నిర్మించిన గోల్డెన్ జూబ్లీ భవనాన్ని ఈ నెల 13వ తేదీన సీఎం రేవంత్రెడ్డి ప్రారంభించనున్నారు. ప్రారంభోత్సవానికి సంబంధించిన ఏర్పాట్లను జేఎన్టీయూ ఇన్చార్జ్వీసీ బుర్ర వెంకటేశం బుధవారం పరిశీలించారు. జేఎన్టీయూ రెక్టార్, రిజిస్ట్రార్, వివిధ విభాగాల డైరెక్టర్లు, ఇంజనీరింగ్అధికారులతో సమావేశమై పలు సూచనలు చేశారు.
ప్రారంభోత్సవం అనంతరం ఆడిటోరియంలో నిర్వహించే సభలో పాల్గొని రాష్ట్రంలోని ప్రైవేటు ఇంజనీరింగ్ కాలేజీల యాజమాన్యాలు, ప్రిన్సిపాల్స్తో సీఎం చర్చిస్తారని తెలిపారు. అనంతరం బ్యాకింగ్అధికారులు, కాలేజీల ఎన్ఎస్ఎస్ అఫీసర్లు, కోఆర్డినేటర్లతో సమావేశమవుతారని పేర్కొన్నారు.
