చార్మినార్ వద్ద రాజీవ్ గాంధీ 34వ సద్భావన యాత్ర సంస్మరణ దినోత్సవం జరిగింది. ఈ సద్భావన యాత్రలో సీఎ రేవంత్ రెడ్డి మాట్లాడుతూ... . కులాలను మతాలను ఏకం చేయడానికే రాజీవ్ సద్భావన యాత్ర ఏర్పాటు చేశామని సీఎం రేవంత్ రెడ్డి అన్నారు. కాంగ్రెస్ప్రభుత్వం పేదలను అక్కున చేర్చుకుంటే.. బీఆర్ఎస్ నేతలు గుండెలు బాదుకుంటున్నారన్నారు. చెరువుల్లో పూడిక తీసే పనిని హైడ్రా చేస్తుందన్నారు. ప్రభుత్వ అనుమతులు ఉన్న వారికి ఎలాంటి ఇబ్బందులు ఉండవన్నారు. మూసీలో ఉన్నవారికి డబుల్ ఇంటితో పాటు రూ, 2 లక్షలు ఇస్తున్నామన్నారు,
సోనియా గాంధీ ప్రధాని పదవినే త్యాగం చేస్తే.... కేసీఆర్ కుటుంబం తెలంగాణను దోచుకుందని సీఎం రేవంత్ రెడ్డి అన్నారు. మత సామరస్యానికి హైదరాబాద్ ప్రతీక అని రాజీవ్ అన్నారని సీఎం రేవంత్ తెలిపారు. పేదలను అభివృద్ది చేసేందుకు మాజీ మంత్రి గీతారెడ్డి కృషి చేశారన్నారు. రాజీవ్ గాంధీ స్ఫూర్తిని కొనసాగించడం అభినందించాల్సిన విషయంటూ.... తెలంగాణలో వారిస్ఫూర్తిని కొనసాగిస్తామన్నారు.
కేసీఆర్, కేటీఆర్ అక్రమాలను నిగ్గు తేలుస్తాం
ఎస్సీ, ఎస్టీలకు భూములు పంచిన ఘనత కాంగ్రెస్ ప్రభుత్వానిదేనన్నారు. వేలాది కోట్ల రూపాయిలను దేశం కోసం నెహ్రూ ఖర్చుబెట్టారంటూ.... దేశాన్ని సమగ్రంగా ఉంచేందుకు ఇందిరా గాంధీ ప్రాణాలు అర్పించారన్నారు. కాంగ్రెస్ పాలనలోనే పేదలకు మేలు జరుగుతుందంటూ.. ఆస్తులు త్యాగం చేసిన గాంధీ కుటుంబం.... దేశాన్ని ఎంతో అభివృద్ది చేసిందన్నారు. నియంత పాలనను గద్దె దింపడం కోసం మాసీ మంత్రి గీతారెడ్డి ఎంతో కృషి చేశారన్నారు.కేసీఆర్, కేటీఆర్ అక్రమాలను నిగ్గు తేలుస్తామని సీఎం రేవంత్ అన్నారు.
ALSO READ | బీఆర్ఎస్ నేతలు సంస్కారం లేకుండా మాట్లాడుతున్నారు: టీపీసీసీ చీఫ్
అధికారం పోయినా... అహంకారం తగ్గలేదు..
ప్రభుత్వ భూములను కబ్జా చేసిన వారిపై హైడ్రా అంకుశం లాగా పని చేస్తుందన్నారు. ఆక్రమణదారులు హైడ్రాను చూసి భయపడుతున్నారన్నారు. కొందరు హైదరాబాద్ ప్రతిష్టను దెబ్బతీసేలా ప్రయత్నిస్తున్నారన్నారు. కాంగ్రెస్ ప్రభుత్వం అలాంటి వారి భరతం పడుతుందని తెలిపారు. బీఆర్ఎస్ దాచిపెట్టిన డబుల్ ఇండ్లను పేదలకు పంచే కార్యక్రమానికి శ్రీకారం చుట్టామన్నారు.మూసీలో ఉన్నవారికి ఇంటితో పాటు రూ. 2 లక్షలు రుణం ఇస్తున్నామన్నారు. బీఆర్ఎస్ ప్రభుత్వం పోయినా.. ఆపార్టీ నేతలకు ఇంకా అహంకారం తగ్గలేదన్నారు.
నాళాలను ఆక్రమించి ఫామ్ హౌస్ లు కట్టారు
పేదలు ఎవరైనా ఫామ్ హౌస్లు కట్టుకోగలరా అని ప్రశ్నించారు. హైడ్రా అనగానే కేసీఆర్, కేటీఆర్, ఈటల బయటకు వచ్చారన్నారు. ఫామ్ హౌస్ లకు బుల్డోజర్లు వస్తాయని కేసీఆర్, కేటీఆర్, హరీష్రావు నాటకాలు ఆడుతున్నారన్నారు. ఫిరంగి నాళాలను ఆక్రమించి కేటీఆర్ ఫాంహౌస్ కట్టారని సీఎం రేవంత్ అన్నారు. నా ఇంటి ముందుకు వచ్చి చేతులు కట్టుకున్న రోజులు హరీష్ రావు మర్చిపోయారా అని ప్రశ్నించారు.వాట్సప్ యూనివర్శిటీలతో ఆర్థిక ప్రగతిని దెబ్బతీసే కుట్ర జరుగుతుందన్నారు.
