జపాన్ పర్యటన ముగించుకొని తెలంగాణ ముఖ్యమంత్రి రేవంత్ రెడ్డి హైదరాబాద్ చేరుకున్నారు. శంషాబాద్ విమానాశ్రయంలో సీఎం రేవంత్ కు ఎంపీలు.. ఎమ్మెల్యేలు.. సలహాదారులు.. కార్పొరేషన్ చైర్మన్ లు.. ఇతర కాంగ్రెస్ కార్యకర్తలు ఘన స్వాగతం పలికారు. ఏప్రిల్ 16 న సీఎం నేతృత్వంలో అధికారులు బృందం ప జపాన్ పర్యటనకు వెళ్లింది. ఏడు రోజుల పాటు జపాన్ లో పర్యటించిన అధికారుల వివిధ పరిశ్రమల యాజమాన్యాలతో సంప్రదింపులు జరిపి తెలంగాణలో రూ. 12వేల 62 కోట్లు పెట్టుబడులు పెట్టేందుకు ఒప్పందం కుదుర్చుకున్నారు.
కీలక ఒప్పంద వివరాలు:
- హైదరాబాద్ ఫ్యూచర్ సిటీలో నెక్స్ట్ జనరేషన్ ఇండస్ట్రియల్ పార్క్ ఏర్పాటు చేసేందుకు మారుబెని కంపెనీతో అగ్రిమెంట్ చేసుకున్నారు. ఈ ఒప్పందంలో మొత్తం అంచనా పెట్టుబడి రూ. 5 వేల కోట్లుకాగా.. తొలుత వెయ్యి కోట్లతో ప్రారంభపెట్టుబడి పెట్టేందుకు ఒప్పందం చేసుకున్నారు. ఈ ప్రాజెక్ట్ ద్వారా తెలంగాణ యువతకు 30 వేల ఉద్యోగాలు రానున్నాయి.
- జపాన్లో 500 ఉద్యోగ నియామకాలకు టామ్ కామ్... టెర్న్.. రాజ్ గ్రూప్ సంస్థల మధ్య ఒప్పందం కుదిరింది. ఈ ఒప్పందం ప్రకారం.. తెలంగాణ యువతకు ఉద్యోగాలు ఇచ్చేందుకు ఆ సంస్థ అంగీకారం తెలిపింది.
- రుద్రారంలో రూ. 562 కోట్లతో ఎలక్ట్రికల్ పరికరాలు తయారీ ఫ్యాక్టరీని నెలకొల్పేందుకు తోషిబా ట్రాన్స్ మిషన్ & డిస్ట్రిబ్యూషన్ సిస్టమ్స్ ఇండియా (TTDI) తో జపాన్ పర్యటనలో సీఎం రేవంత్రెడ్డి బృందం ఒప్పందం చేసుకుంది.
- రూ. 10 వేల 500 కోట్ల పెట్టుబడితో హైదరాబాద్ లో ఇంటెలిజెన్స్ డేటా సెంటర్ క్లస్టర్ ఏర్పాటు చేసేందుకు NTT డేటా, నెయిసా కంపెనీలతో అంగీకారం కుదుర్చుకుంది.
