వనపర్తి, వెలుగు : వనపర్తి నియోజకవర్గ సమగ్రాభివృద్ధి కోసం అహర్నిశలు పనిచేసి అభివృద్ధి చేస్తానని ఎమ్మెల్యే తూడి మేఘారెడ్డి అన్నారు. మంగళవారం ఎమ్మెల్యే క్యాంపు కార్యాలయంలో ఏర్పాటు చేసిన కార్యక్రమంలో 473 మంది లబ్ధిదారులకు రూ. 1,12,47,500 విలువైన సీఎంఆర్ఎఫ్ చెక్కులను, 215 మందికి రూ.2,15,24,940 విలువ గల కల్యాణ లక్ష్మి, షాదీ ముబారక్ చెక్కులను అందజేశారు. భూమి లేని నిరుపేదలకు సైతం ఎకరాకు రూ.12000ల చొప్పున సాయం అందజేయనున్నామని తెలిపారు.
