న్యూయార్క్‌: డిఫెండింగ్ చాంపియన్‌, అమెరికా స్టార్‌ కొకో గాఫ్ యూఎస్‌ ఓపెన్లో నాలుగో రౌండ్లోనే ఇంటిదారి పట్టింది. సోమవారం జరిగిన మ్యాచ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో మూడో సీడ్ గాఫ్ 3–6, 6–4, 3–6తో అమెరికాకే చెందిన 13వ సీడ్ ఎమ్మా నవరో చేతిలో పోరాడి ఓడిపోయింది. ఇతర మ్యాచ్‌‌‌ల్లో రెండో సీడ్ సబలెంక (బెలారస్‌) 6–2, 6–4తో మెర్టెన్స్ (బెల్జియం)ను, ఏడో సీడ్ క్విన్వెన్ జెంగ్ (చైనా) 7–6 (7/2), 4–6, 6–2తో చెక్ ప్లేయర్ డొనా వెకిచ్‌‌ను ఓడించి క్వార్టర్స్ చేరారు.
మెన్స్‌ సింగిల్స్‌ ప్రిక్వార్టర్స్‌‌‌‌లో నాలుగో సీడ్ జ్వెరెవ్ (జర్మనీ) 3–6, 6–1, 6–2, 6–2తో నకషిమ (అమెరికా)ను ఓడించి క్వార్టర్స్‌‌‌‌‌‌‌‌‌‌‌చేరగా.. ఆరో సీడ్‌‌‌‌‌‌ఆండ్రీ రబ్లెవ్‌(రష్యా) 3–6, 6–7 (3/7), 6–1, 6–3, 3–6తో తొమ్మిదో సీడ్ దిమిత్రోవ్ (బల్గేరియా) చేతిలో ఓడాడు. ఎనిమిదో సీడ్ కాస్పర్ రూడ్ (డెన్మార్క్) 6–3, 4–6, 3–6, 2–6తో అమెరికన్ టేలర్ ఫ్రిడ్జ్‌‌‌‌‌‌‌‌‌‌‌‌‌చేతిలో ఓడి ఇంటిదారి పట్టాడు. మెన్స్‌‌‌‌‌‌‌‌‌‌‌డబుల్స్ ప్రి క్వార్టర్స్‌లో రెండో సీడ్ రోహన్ బోపన్న (ఇండియా)–మాథ్యూ ఎబ్డెన్ (ఆస్ట్రేలియా) 1–6, 5–7తో 16 సీడ్ మొల్టెని–గొంజాలెజ్ (అర్జెంటీనా) చేతిలో ఓడారు.
