న్యూఢిల్లీ: ఇన్ఫోసిస్ తన హెల్త్‌‌కేర్ ఇన్సూరెన్స్ సాఫ్ట్‌‌వేర్‌‌కు సంబంధించిన వాణిజ్య రహస్యాలను దొంగిలించిందని ఆరోపిస్తూ సాఫ్ట్‌‌వేర్ ప్రొవైడర్ కాగ్నిజెంట్ ట్రైజెట్టో శుక్రవారం టెక్సస్ ఫెడరల్ కోర్టులో దావా వేసింది. ఇన్ఫోసిస్ తన డేటాబేస్‌‌ల నుంచి చట్టవిరుద్ధంగా డేటాను తీసుకుందని, పోటీ సాఫ్ట్‌‌వేర్‌‌ను రూపొందించడానికి, మార్కెట్ చేయడానికి ఉపయోగించిందని కాగ్నిజెంట్ వ్యాజ్యంలో పేర్కొంది.
ఇన్ఫోసిస్ ఈ ఆరోపణలను ఖండించింది. కోర్టులో తమ వాదనను వినిపిస్తామని తెలిపింది. ఫిర్యాదుపై స్పందించడానికి కాగ్నిజెంట్ అధికార ప్రతినిధులు అందుబాటులోకి రాలేదు. ఫిర్యాదు ప్రకారం, ఇన్ఫోసిస్ ట్రైజెట్టో సాఫ్ట్‌‌వేర్‌‌ను దుర్వినియోగం చేసి "ఫేసెట్స్కోసం టెస్ట్ కేసెస్"లను రూపొందించింది.
