- తమను పట్టించుకోవడం లేదని తీవ్ర అసంతృప్తి
- నల్గొండ, దేవరకొండ కాంగ్రెస్ ముఖ్య నేతలతో రహస్య మంతనాలు
- ఆ పార్టీలో చేరుతారని సోషల్ మీడియాలో ప్రచారం
నల్గొండ, వెలుగు : శాసన మండలి చైర్మన్గుత్తా సుఖేందర్ రెడ్డి కోటరీలో బుగులు మొదలైంది. గుత్తా ప్రభావం చూపే నల్గొండ, దేవరకొండ నియోజకవర్గాల్లో ఆయన వర్గంగా చలామణి అవుతున్న పలువురు ముఖ్యనేతలు కాంగ్రెస్లో చే రేందుకు సిద్ధమవుతున్నట్టు తెలిసింది. ఎంతోకాలంగా ఎమ్మెల్యేలకు, గుత్తా వర్గానికి మధ్య కోల్డ్వార్ నడుస్తోంది. ఇప్పుడు ఎన్నికల టైం కావడంతో అదును చూసే దెబ్బకొట్టాలనే వ్యూహంతో గుత్తా వర్గం ఉన్నట్టు సమాచారం. కొన్నాళ్లుగా వీరికి సంబంధించిన పోస్టులు సోషల్ మీడియాలో వైరల్ అవుతుండటం ఇందుకు ఊతమిస్తోంది.
నల్గొండపై ప్రభావం
నల్గొండ సెగ్మెంట్పరిధిలో తిప్పర్తి, కనగల్మండలాలకు చెందిన పలువురు ప్రజాప్రతిని ధులు కాంగ్రెస్లో చేరేందుకు దాదాపు ముహూర్తం ఖరారు చేసుకున్నట్టు ప్రచారం జరుగుతోంది. గుత్తా సన్నిహితుడు, తిప్పర్తి జడ్పీటీసీ, ఫ్లోర్లీడర్ పాశం రామిరెడ్డి, ఎమ్మెల్యే కంచర్ల భూపాల్ రెడ్డికి మధ్య ఎప్పటి నుంచో వైరం నడుస్తోంది. ఐదేళ్లుగా రామిరెడ్డిని రాజకీయంగా, వ్యక్తిగతంగా డ్యామేజ్ సంఘటనలు తిప్పర్తి మండలంలో చాలా జరిగాయని ఆయన అనుచరులు చెబుతున్నారు.
ఇప్పుడు పరిస్థితులు మారిపోవడంతో ఓ నిర్ణయానికి వచ్చిన ఆయన ఇటీవల మండలంలోని ఇరవై గ్రామాల ముఖ్యలీడర్లతో భేటీ అయినట్టు తెలిసింది. దీంట్లో మెజార్టీ సభ్యులు పార్టీ మారాలనే అభిప్రాయాన్ని వెలిబుచ్చారు. రామిరెడ్డికి గతంలో జిల్లా కాంగ్రెస్ వర్కింగ్ ప్రెసిడెంట్పనిచేసిన అనుభవం ఉండడం తమకు కలిసొస్తుందని కాంగ్రెస్ నేతలు భావిస్తున్నారు. కనగల్ మండలంలోని పలువురు ప్రజాప్రతినిధులు సైతం ఎమ్మెల్యే వైఖరిపై తీవ్ర అసంతృప్తితో ఉన్నారు. వీరంతా ఇటీవల ఓ రహస్య ప్రాంతంలో భేటీ అయ్యారు. ఇప్పటికైనా సరియైన నిర్ణయం తీసుకోకపో తే భవిష్యత్తులో నష్టపోతామనే అభిప్రాయానికి వచ్చినట్లు తెలిసింది. దసరా తర్వాత మరోసారి చర్చించి భవిష్యత్‌ కార్యచరణ ప్రకటించనున్నట్లు ఈ భేటీలో పాల్గొన్న నేతలు చెప్పారు.
దేవరకొండలోనూ అదే పరిస్థితి...
దేవరకొండ మున్సిపల్ చైర్మన్ ఆలంపల్లి నర్సింహా, డిండి జడ్పీటీసీ దేవేం దర్రావు, సీనియర్ నేత వడ్త్యా దేవేందర్ నాయక్, మామిడి సర్వయ్య తదితరులు ఎమ్మెల్యే రవీంద్రకుమార్కు వ్యతిరేక వర్గంగా పనిచేస్తున్నారు. పాత సీపీఐ వాళ్లకే పార్టీ పదవుల్లో ప్రియారిటీ ఇచ్చి తమను నిర్లక్ష్యం చేశారన్న కోపంతో ఉన్న వీళ్లు ఇప్పటికే మండలాల వారీగా ఎమ్మెల్యేకు వ్యతిరేకంగా మీటింగ్‌లు పెట్టి క్యాడర్‌‌తో చర్చించారు. డిండి జడ్పీటీసీ దేవేంద ర్రావు ఇటీవల ఎర్రారం గ్రామంలో అసమ్మతి నేతలతో రహస్య మీటింగ్పెట్టి.. కాంగ్రెస్ నుంచి బాలూనాయక్‌కు టికెట్ వస్తే వీరంతా మద్దతు ఇవ్వాలనే ప్రతిపాదన పెట్టారు.
దీంతో అప్రమత్తమైన పార్టీ మంత్రులు హారీశ్‌రావు, కేటీఆర్‌‌ను రంగంలోకి దింపించి. వారు దేవేందర్ రావుతో సహా కీలక నేతలను హైదరాబాద్కు పిలిచి నామినేటెడ్ పోస్టు ఇస్తామని భరోసా ఇచ్చారు. కానీ, ఎమ్మెల్యే అభ్యర్థిని మారిస్తే తప్ప తాము పనిచేయామని వాళ్లు తేల్చి చెప్పారు.చందంపేట మండలానికి చెందిన సర్వయ్య కూడా పార్టీకి దూరంగానే ఉంటున్నారు. గుత్తా వర్గానికి చెందిన కోదాడ మాజీ ఎమ్మెల్యే వేనేపల్లి చందర్రావు ఇటీవల కాంగ్రెస్లో చేరుతున్నట్టు ప్రకటించిన సంగతి తెలిసిందే. ఈ లెక్కన గుత్తా సుఖేందర్ రెడ్డి ఎంత నచ్చజెప్పినా పార్టీ కేడర్ వినే పరిస్థితుల్లో లేదు. హైకమాండ్ జోక్యం చేసుకున్నప్పటికీ ఇప్పుడున్న ఎమ్మెల్యేలు మళ్లీ గెలిస్తే రాజకీయంగా తాము సమాధి అయినట్టేనని గుత్తా వర్గం భావిస్తోంది.
