యాదాద్రిలో ప్రజాపాలన కు సిద్ధం : సి.హెచ్. ప్రియాంక

• గ్రామ గ్రామానా ప్రత్యేక టీమ్​లు, జనభాకు తగ్గట్టు కౌంటర్లు

యాదాద్రి, వెలుగు :  ప్రజాపాలనకు జిల్లా ఆఫీసర్లు సర్వం సిద్ధం చేశారు.  లబ్ధిదారుల ఎంపిక కోసం గురువారం నుంచి 'అభయహస్తం' పేరుతో ప్రజాపాలన అప్లికేషన్లను తీసుకోవాలన్నారు.  జనవరి 6 వరకూ నిర్వహించే గ్రామసభల్లో మహాలక్ష్మి, రైతు భరోసా, గృహజ్యోతి, ఇందిరమ్మ ఇండ్లు, చేయూత పథకంలో అర్హులైన లబ్ధిదారుల ఎంపిక కోసం అప్లికేషన్లను తీసుకుంటారు. 

యాదాద్రిలో 525 గ్రామసభలు :    జిల్లాలోని 17 మండలాల్లో  421 పంచాయతీలు ఉన్నాయి. ఆరు మున్సిపాలిటీల్లో 104 వార్డులు ఉన్నాయి.   జిల్లా వ్యాప్తంగా నిర్వహించే 525  గ్రామసభల కోసం గ్రామీణ ప్రాంతాల్లో 37 టీమ్స్​, అర్బన్​లో 14 టీమ్స్​ను ఏర్పాటు చేశారు.   జిల్లాలో  2.14 లక్షల కుటుంబాలు ఉన్నట్టు అంచనా.   ప్రతి కుటుంబం నుంచి అప్లికేషన్​ స్వీకరించాలన్న ఉద్దేశంతో 2.40 లక్షల అప్లికేషన్లను ప్రింట్​ చేయించారు. ఈ అప్లికేషన్లను ప్రతి ఇంటికి ముందుగానే  అందిస్తారు.  అప్లికేషన్ల స్వీకరణకు 1990 కౌంటర్లను ఏర్పాటు చేస్తున్నారు.

ఒక్కో కౌంటర్​కు ఇన్​చార్జ్​, అసిస్టెంట్​ను నియమించడంతో 4 వేల మందికి పైగా స్టాఫ్​ ను నియమించారు. కౌంటర్లతో పాటు  హెల్ప్​డెస్క్​ ఏర్పాటు చేసి అప్లికేషన్లను పూర్తి చేయడానికి సహాయకులుగా జీపీ ఉద్యోగులు, అంగన్​వాడీ కార్యకర్తలు, విలేజ్​ బుక్​ కీపర్లు సహాయపడతారు.  ఐదు గ్యారెంటీల కోసం ఏర్పాటు చేసిన కౌంటర్లతో పాటు గ్రామాల్లో ప్రత్యేకంగా జనరల్​ కౌంటర్​ ఏర్పాటు చేస్తున్నారు.   ప్రజాపాలన అప్లికేషన్ల స్వీకరణపై ఎప్పటికప్పుడు రిపోర్ట్​ ఇవ్వాలని కలెక్టర్​ హనుమంతు జెండగే ఆదేశించారు.  ప్రతి రోజు ఉదయం, మధ్యాహ్నం గ్రామసభలను నిర్వహించాలని సూచించారు.   

పక్కా ప్రణాళికతో ప్రజాపాలన : జిల్లా ఇంచార్జి  కలెక్టర్ సి.హెచ్. ప్రియాంక

సూర్యాపేట :  జిల్లాలో ప్రజా పాలన పక్కా ప్రణాళికతో  నిర్వహిస్తామని జిల్లా ఇన్​చార్జి కలెక్టర్  సి.హెచ్. ప్రియాంక అన్నారు. బుధవారం కలెక్టరేట్ లో  అడిషనల్​ ఎస్పీ  నాగేశ్వరరావు తో కలసి ప్రజాపాలన నిర్వహణ పై మీడియా సమావేశం నిర్వహించారు.    పక్కా ప్రణాళికతో జిల్లాలోని అన్ని గ్రామ పంచాయతీలు,మున్సిపాలిటీలలో ప్రజా పాలన కార్యక్రమం ఉదయం 8  నుంచి  మధ్యాహ్నం 12 వరకు,  అలాగే మధ్యాహ్నం  2  నుంచి   సాయంత్రం 6 వరకు కార్యక్రమం  ఉంటుందని పేర్కొన్నారు.

మొదట రోజు 116 గ్రామ సభలు నిర్వహిస్తున్నామని అలాగే ప్రతి వంద కుటుంబాలకు ఒక కౌంటర్లు   ఏర్పాటు చేశామని తెలిపారు.   జిల్లాలో 475 గ్రామ పంచాయతీల్లో  247 సభ్యులతో 46 టీమ్స్ ,  2581 కౌంటర్లు ఏర్పాటు చేశామని తెలిపారు.  5 మున్సిపాలిటీల్లో  141 వార్డులలో 52 సభ్యులతో 12  టీమ్స్​, 299  సభ్యులతో 58 టీమ్స్, 3425 కౌంటర్లను ఏర్పాటు చేశామని ఆమె తెలిపారు.  ఈ కార్యక్రమంలో డీపీఆర్​ఓ   రమేశ్​ కుమార్, డీఈ మల్లేశం  తదితరులు పాల్గొన్నారు.

నల్గొండ :     జిల్లాలో మొదటి రోజున  158 గ్రామాల్లో ప్రజాపాలన నిర్వహిస్తున్నారు.  ప్రతి రోజూ ఒక టీమ్ సభ్యులు రెండు గ్రామాలు పర్యటిస్తారు. మేజర్​ పంచాయతీలు ఉంటే రోజు మొత్తం దరఖాస్తులు స్వీకరిస్తారు.    దరఖాస్తులు అందజేయడానికి వచ్చే ప్రజలకు ఎలాంటి ఇబ్బందులు కలగకుండా టెంట్లు, కుర్చీలు, తాగునీరు అన్ని ఏర్పాట్లు చేసినట్టు కలెక్టర్​ హేమంత్​ కేశవ్ పాటిల్ తెలిపారు.

గ్రామాలు, పట్టణంలో ప్రజా పాలన కార్యక్రమంపై  ప్రజలకు విస్తృత ప్రచారం కలిగించేందుకు సోషల్ మీడియా ద్వారా ప్రచారం  నిర్వహిస్తున్నట్టు తెలిపారు. ప్రజాపాలన నోడల్​ అధికారిగా హెల్త్​ డైరక్టర్​ ఆర్​ వి. కర్ణన్​ను ప్రభుత్వం నియమించింది.   జిల్లా ఇన్​చార్జి  అడిషనల్​ కలెక్టర్  సుహాసిని, ఏజేసీ జె. శ్రీనివా స్​ ప్రజాపాలన ప్రత్యే క అధికారులు, వారికి కేటాయించిన నియోజకవర్గ పరిధిలోని  బుధవారం శిక్షణ ఇచ్చారు.