నిర్మల్, వెలుగు: సేంద్రియ ఆహార పదార్థాలు తీసుకుంటే ఆరోగ్యంగా ఉంటామని నిర్మల్ కలెక్టర్ అభిలాష అభినవ్ అన్నారు. ఇందిరా మహిళా శక్తి ఆధ్వర్యంలో మంగళవారం సాయంత్రం కలెక్టరేట్ లో సేంద్రియ పదార్థాల చిరు ఆహార కేంద్రంతోపాటు ఫిష్ స్టాల్ను అడిషనల్ కలెక్టర్ ఫైజాన్ అహ్మద్తో కలిసి ప్రారంభించారు. ప్రజల్లో ఆరోగ్యంపై అవగాహన పెరుగుతోందని, సేంద్రియ పంటల వైపు మొగ్గుచూపుతున్నారని తెలిపారు.
సేంద్రియ ఉత్పత్తులతో తయారు చేసిన ఆహార పదార్థాల స్టాల్ ఏర్పాటు చేయడం అభినందనీయమన్నారు. ఈ అవకాశాన్ని జిల్లా అధికారులు, సిబ్బంది, కార్యాలయానికి వచ్చే ప్రజలు వినియోగించుకోవాలని కోరారు. డీఆర్డీవో విజయలక్ష్మి, డీఎస్ వో కిరణ్ కుమార్, డీఏవో అంజి ప్రసాద్, జిల్లా లీడ్ బ్యాంకు మేనేజర్ రాంగోపాల్, అధికారులు, సిబ్బంది పాల్గొన్నారు.
