మహబూబాబాద్,వెలుగు: ధరణి పెండింగ్ దరఖాస్తులను వెంటనే పరిష్కరించాలని కలెక్టర్ అద్వైత్ కుమార్ సింగ్ అధికారులకు సూచించారు. గురువారం కలెక్టరేట్లో సమీక్ష నిర్వహించారు. వివిధ మాడ్యూల్లలో ఉన్న పెండింగ్ రిపోర్టులను పరిశీలించి నివేదికలు అందజేయాలని, పెండింగ్ సమస్యలను త్వరగా పూర్తి చేయాలని సూచించారు. 17న బక్రీద్‌ న ఎవరికి ఎలాంటి ఇబ్బంది కలుగకుండా అధికారులు చర్యలు తీసుకోవాలన్నారు.
మున్సిపల్ కమిషనర్ల పరిధిలోని ఈద్గాల వద్ద శానిటైజేషన్, లైటింగ్, మంచినీటి సౌకర్యాలు ఏర్పాటు చేయాలన్నారు. ఈ సమావేశంలో అడిషనల్ కలెక్టర్ డేవిడ్ , తొర్రూరు ఆర్డీవో నరసింహరావు, జిల్లా పశుసంవర్దక శాఖ ఆఫీసర్ సుధాకర్, మైనారిటీ వెల్పేర్ ఆఫీసర్ శ్రీనివాస్, మహబూబాబాద్, తొర్రూరు,డోర్నకల్,మరిపెడ మునిసిపల్ కమిషనర్లు, రవీందర్, శాంతి కుమార్, నరేష్ రెడ్డి, వెంకటస్వామి, ముస్లిం మత పెద్దలు పాల్గొన్నా రు.
