- టార్గెట్లో 38 శాతం లోన్లపై అసంతృప్తి
- బ్యాంకర్ల మీటింగ్లో అదనపు కలెక్టర్ అంకిత్
నిజామాబాద్, వెలుగు : రైతులకు పంట రుణాలు నిర్దేశించిన టార్గెట్ మేరకు ఇవ్వకపోవడం ఏమిటని అదనపు కలెక్టర్ అంకిత్ ఆగ్రహం వ్యక్తం చేశారు. రుణాలు అందని వారు ప్రైవేట్వ్యాపారుల నుంచి అప్పులు తీసుకుంటే వారు ఆర్థికంగా నష్టపోతారని ఆవేదన వ్యక్తం చేశారు. బుధవారం బ్యాంకర్లతో మొదటి త్రైమాసిక మీటింగ్ నిర్వహించి మాట్లాడారు. ఖరీఫ్లో రూ.2,640 కోట్ల పంట రుణాలు ఇవ్వాలని టార్గెట్ కాగా రూ.1011.95 కోట్లు మాత్రమే ఇచ్చారని, 38 శాతం క్రాప్ లోన్లు ఇవ్వడమేమిటని ప్రశ్నించారు. కొన్ని బ్యాంకులు రుణాల కోసం వచ్చే రైతులను చిన్నచూపు చూసే ధోరణి మారాలన్నారు.
గత ఖరీఫ్లో 74 శాతం, యాసంగిలో 95 శాతానికి మించి పంట రుణాలు అందించిన బ్యాంకులు ఖరీఫ్లో ఎందుకు లక్ష్యం చేరుకోలేదని మండిపడ్డారు. రుణమాఫీ విషయంలో రైతులను ఇబ్బందిపెట్టొదని వార్నింగ్ ఇచ్చారు. గవర్నమెంట్ స్కీంలకు అనుగుణంగా ఎస్సీ, ఎస్టీ, బీసీ, మైనారిటీలకు లోన్లు ఇవ్వాలని, స్వయం సహాయ సంఘాల మహిళలకు బ్యాంకు లింకేజీ
ముద్ర రుణాలు అందివ్వాలని కోరారు. యూత్ ఉపాధి లోన్లను ఎంకరేజ్ చేయాలని, వచ్చే మీటింగ్నాటికి మార్పు కనబడాలని సూచించారు. ఆర్బీఐ ఏజీఎం పృథ్వీ, డీఆర్డీవో సాయాగౌడ్, లీడ్ బ్యాంక్ మేనేజర్ అశోక్ చవాన్, నాబార్డు ఏజీఎం ప్రవీణ్కుమార్, మెప్మా పీడీ రాజేందర్, ఆయా శాఖల ఆఫీసర్లు ఉన్నారు.
