- రాజీవ్ పార్కును పరిశీలించిన కలెక్టర్
- ' వెలుగు' వార్తకు స్పందన
కామారెడ్డి , వెలుగు : కామారెడ్డి జిల్లా కేంద్రంలో పార్కులను డెవలప్మెంట్ చేయాలని కలెక్టర్ ఆశిశ్ సంగ్వాన్ మున్సిపల్ ఆఫీసర్లను ఆదేశించారు. మంగళవారం ఆయన రాజీవ్ పార్క్ను పరిశీలించారు. సోమవారం వెలుగులో ' పార్కుల్లో పారిశుధ్యం కరవు.. కామారెడ్డి జిల్లా కేంద్రంలో పార్కుల నిర్వహణ గాలికి' అనే శీర్షికతో ప్రచురితమైన స్టోరీకి కలెక్టర్ స్పందించారు. చైర్పర్సన్ గడ్డం ఇందుప్రియ, కమిషనర్ సుజాత, ఆఫీసర్లతో కలిసి కలెక్టర్ పార్కును పరిశీలించారు. విరిగిపోయిన ఆట వస్తువులు, పౌంటైన్ను చూశారు.
విరిగిపోయిన వాటి స్థానంలో కొత్త పరికరాలు ఏర్పాటు చేయాలని కమిషనర్కు ఆదేశించారు. పిచ్చి మొక్కలను తొలగించి, పార్కును వినియోగంలోకి తీసుకురావాలన్నారు. ఆయా పనులకు ఎంత మేర ఖర్చు అవుతుందో ఎస్టిమేషన్ వేసి వర్స్ చేయాలన్నారు. పార్కుకు వచ్చే వారికి ఆహ్లదకరమైన వాతవరణం ఉండేలా చూడాలన్నారు. మహిళ సమాఖ్య ఆధ్వర్యంలో క్యాంటిన్ ఏర్పాటు చేయాలని ఆదేశించారు. కౌన్సిలర్లు, ఆఫీసర్లు ఉన్నారు.
