లింగంపేట, వెలుగు : జిల్లాలో ధాన్యం సేకరణ వేగవంతం చేయాలని, రైతులకు ఎలాంటి సమస్యలు రాకుండా తక్షణ చర్యలు చేపట్టాలని కలెక్టర్ ఆశిశ్సంగ్వాన్ అధికారులను ఆదేశించారు. మంగళవారం ఆయన లింగంపేట మండలంలోని మెంగారం, లింగంపేట, నాగిరెడ్డి పేట మండలంలోని తాండూర్ గ్రామంలో ఏర్పాటు చేసిన ధాన్యం కొనుగోలు కేంద్రాలను పరిశీలించారు. ఈ సందర్భంగా ఆయన మాట్లాడుతూ కొనుగోలు కేంద్రాలకు రైతులు తీసుకొచ్చిన ధాన్యాన్ని పరిశీలించి కాంటాలు వేయాలన్నారు.
వెంటనే ధాన్యం బస్తాలను రైస్మిల్లులకు తరలించాలని చెప్పారు. రైతులకు సంబంధించిన ధాన్యం సేకరణ, బ్యాంక్ ఖాతా తదితర వివరాలను ట్యాబ్లో ఎంట్రీ చేయాలని కేంద్రాల నిర్వాహకులకు సూచించారు. రైతులకు రెండు మూడురోజుల్లో చెల్లింపులు జరిగేలా చూడాలని చెప్పారు. అనంతరం లింగంపేటలో నాగన్నమెట్లబావిని సందర్శించారు. టూరిజం స్పాట్గా అభివృద్ధి చేయాలని, కాటేజీల ఏర్పాటుకు ప్రతిపాదనలు పంపాలని అధికారులను ఆదేశించారు. బావి లో ఉన్నచెత్తను తొలగించాలని, బావి సరిసరాలలో మొక్కలను నాటి సంరక్షించాలని సూచించారు.
నాగన్న బావిని తిలకించడానికి వచ్చిన చిన్నారులతో కలెక్టర్ మాట్లాడి చరిత్ర తెలుసుకోవాలన్నారు. కార్యక్రమంలో జిల్లా గ్రామీణాభివృద్ధి అధికారి సురేందర్, ఫౌరసరఫరాలసంస్థ జిల్లా మేనేజర్ రాజేందర్, ఇన్చార్జి జిల్లా పౌరసరఫరాల అధికారి నరసింహారావు, జిల్లా సహకార అధికారి రాంమోహన్, ఎల్లారెడ్డి ఆర్డీఓ మన్నె ప్రభాకర్, తహసీల్దార్ నరేందర్, ఎంపీడీఓ నరేశ్, లింగంపేట సింగిల్విండో చైర్మన్ దేవేందర్రెడ్డి, తాండూర్ సొసైటీ చైర్మన్ఆకిడి గంగారెడ్డి, సీఈఓలు పెంటయ్య, జైపాల్రెడ్డి తదితరులు ఉన్నారు.
