- ప్రతి స్కూల్లో చైల్డ్ ప్రొటెక్షన్ అధికారి నియామకం
కామారెడ్డిటౌన్, వెలుగు: స్టూడెంట్స్ పై లైంగిక దాడులు జరగకుండా చూడాలని చైల్డ్ ప్రొటెక్షన్అధికారులకు కామారెడ్డి కలెక్టర్ఆశిష్సంగ్వాన్సూచించారు. ప్రతి స్కూల్లో చైల్డ్ ప్రొటెక్షన్ అధికారిని నియమించామన్నారు. శుక్రవారం కామారెడ్డి జిల్లా కేంద్రంలోని కళాభారతిలో స్కూల్స్‌‌‌‌లో చైల్డ్ ప్రొటెక్షన్అధికారి, హెచ్‌‌‌‌ఎంలకు ఓరియేంటేషన్ప్రోగ్రాం నిర్వహించారు. ఈ సందర్భంగా కలెక్టర్ మాట్లాడుతూ.. ఇప్పటికే రెసిడెన్షియల్ స్కూల్స్‌‌‌‌లో యూనిసెఫ్ ద్వారా అవేర్‌‌‌‌‌‌‌‌నెస్ ప్రోగ్రాం నిర్వహించామన్నారు. ఐసీడీఎస్జిల్లా అధికారి ప్రమీల, యూనిసెఫ్ రిసోర్స్ పర్సన్ డేవిడ్రాజ్ , సీడబ్లూసీ మెంబర్ స్వర్ణగత తదితరులు పాల్గొన్నారు.
పార్కుల అభివృద్ధికి చర్యలు తీసుకోవాలి
కామారెడ్డిటౌన్, వెలుగు: కామారెడ్డి టౌన్‌‌‌‌లోని పార్కుల అభివృద్ధికి చర్యలు తీసుకోవాలని కలెక్టర్ఆశిష్సంగ్వాన్ అధికారులకు ఆదేశించారు. శుక్రవారం జిల్లా కేంద్రంలోని పంచముఖి హన్మాన్కాలనీలో ఉన్న పార్క్ను కలెక్టర్ పరిశీలించారు. పార్కుల అభివృద్ధికి కాలనీ వెల్ఫేర్ అసోసియేషన్లు, సీనియర్సిటిజన్స్ సహకారం తీసుకోవాలన్నారు. పార్కులను అభివృద్ధి చేయాలన్నారు. అనంతరం కళాభారతి ఆడిటోరియం ముందు ఉన్న చెట్లకు కలెక్టర్ నీళ్లు పట్టారు. ప్రతి శుక్రవారం వాటరింగ్ డే తప్పనిసరిగా నిర్వహించాలన్నారు. మున్సిపల్ కమిషనర్ రాజేందర్ రెడ్డి, డీఈ వేణుగోపాల్, ఏఈ శంకర్ ఉన్నారు.
