కామారెడ్డిటౌన్, వెలుగు: ప్రజావాణిలో వచ్చే ఫిర్యాదులపై ఆయా శాఖల ఆఫీసర్లు వెంటనే చర్యలు తీసుకోవాలని కామారెడ్డి కలెక్టర్ ఆశిశ్సంగ్వాన్ అన్నారు. సోమవారం కలెక్టరేట్లో నిర్వహించిన ప్రజావాణిలో ప్రజల నుంచి ఫిర్యాదులు స్వీకరించారు. ఈ సందర్భంగా ఆయన మాట్లాడుతూ.. ప్రజల సమస్యల పరిష్కారానికి ప్రజావాణి నిర్వహిస్తున్నామన్నారు. భూ సమస్యలు, ఇండ్లు, లోన్ల సమస్యలు పరిష్కరించాలని ప్రజలు అర్జీలు అందజేశారని, వాటిని పరిష్కరించాలని అధికారులను ఆదేశించారు. అనంతరం బాల్య వివాహాల రహిత భారత్ పోస్టర్ను కలెక్టర్ ఆవిష్కరించారు. కార్యక్రమంలో అడిషనల్ కలెక్టర్లు శ్రీనివాస్రెడ్డి, వి.విక్టర్, ఆయా శాఖల ఆఫీసర్లు పాల్గొన్నారు.
ప్రజావాణి ఫిర్యాదులు సత్వరమే పరిష్కరించాలి
నిజామాబాద్ సిటీ వెలుగు: ప్రజావాణి లో స్వీకరించిన దరఖాస్తులను సత్వరమే పరిష్కరించాలని అధికారులను కలెక్టర్ రాజీవ్ గాంధీ హనుమంతు ఆదేశించారు. కలెక్టరేట్లో సోమవారం నిర్వహించిన ప్రజావాణిలో 80 మంది దరఖాస్తులు అందజేశారు. జిల్లాలోని వివిధ ప్రాంతాల నుంచి వచ్చిన ఫిర్యాదుదారులు తమ సమస్యలను కలెక్టర్ తో పాటు అదనపు కలెక్టర్ కిరణ్ కుమార్, డీఆర్డీఓ సాయాగౌడ్, ఆర్డీఓ రాజేంద్రకుమార్, ఇన్చార్జి డీపీఓ శ్రీనివాస్, నిజామాబాద్ ఏసీపీ రాజా వెంకట్ రెడ్డిలకు విన్నవిస్తూ అర్జీలు సమర్పించారు.
