కామారెడ్డి టౌన్, వెలుగు: ఇందిర మహిళా శక్తి భవనానికి ప్రభుత్వం రూ. 5 కోట్లుకేటాయించినట్లు కలెక్టర్ ఆశిశ్ సంగ్వాన్ తెలిపారు. గురువారం మహిళా శక్తి భవనం కోసం కేటాయించిన ఎకరం స్థలాన్ని పరిశీలించారు. త్వరలో నిర్మాణం చేపట్టాలని ఇంజనీరింగ్ఆఫీసర్లకు కలెక్టర్ ఆదేశించారు. కార్యక్రమంలో ఆర్డీవో రంగనాథ్రావు, డీఆర్డీవో సురేందర్, డీసీఎం సుధాకర్ తదితరులు పాల్గొన్నారు.
11 మండలాల్లో వంద శాతం సర్వే
ప్రభుత్వం చేపట్టిన సమగ్ర కుటుంబ సర్వే కామారెడ్డి జిల్లాలోని 11 మండలాల్లో వంద శాతం పూర్తయినట్లు కలెక్టర్ ఆశిశ్ సంగ్వాన్ తెలిపారు. గురువారం ఆయా మండలాల స్పెషల్ ఆఫీసర్లు, తహసీల్దారులు, ఎంపీడీవోలతో కలెక్టర్ వీడియో కాన్ఫరెన్స్ ద్వారా మాట్లాడారు. సర్వే పూర్తి కాని ఏరియాల్లో రెండు, మూడు రోజుల్లో పూర్తి చేయాలన్నారు. డేటా ఎంట్రీ తప్పులు లేకుండా చేయాలని సూచించారు. ప్రత్యేక ఓటరు నమోదులో వచ్చిన ఫారాలను తహసీల్దార్లు వెంటనే పరిశీలన చేయాలన్నారు. అడిషనల్ కలెక్టర్లు శ్రీనివాస్రెడ్డి, విక్టర్, ఆర్డీవో రంగనాథ్రావు, సీపీవో రాజారాం, ఆఫీసర్లు పాల్గొన్నారు.
