కామారెడ్డిటౌన్, వెలుగు: వినాయక నిమజ్జన ఏర్పాట్లను పకడ్బందిగా చేపట్టాలని ఆఫీసర్లకు కలెక్టర్ ఆశిశ్ సంగ్వాన్ ఆదేశించారు. బుధవారం జిల్లా కేంద్రంలో నిమజ్జన ఏర్పాట్లు, శోభాయాత్ర రూట్ మ్యాప్ను ఎస్పీ సింధూశర్మతో కలిసి పరిశీలించారు. శోభాయాత్ర సాగే మార్గంలో అడ్డంగా ఉన్న కరెంట్ వైర్లను మార్చాలని, రోడ్లపై గుంతలు లేకుండా చూడాలన్నారు.
విగ్రహాలను నిమజ్జనం చేసే అడ్లూర్ ఎల్లారెడ్డి చెరువు వద్ద వసతులు కల్పించాలన్నారు. చెరువు వద్ద భారికేడ్లు ఏర్పాటుతో పాటు, గజ ఈత గాళ్లను అందుబాటులో ఉంచాలన్నారు. కలెక్టర్ వెంట మున్సిపల్ చైర్ పర్సన్ గడ్డం ఇందుప్రియ, ఆయా శాఖల ఆఫీసర్లు తదితరులు ఉన్నారు.
రిపేర్లకు ప్రపోజల్స్ పంపాలి
ఇటీవల జిల్లాలో కురిసిన భారీ వర్షాలకు దెబ్బతిన్న రోడ్లు, కాల్వలు, స్కూల్ బిల్డింగ్స్, తాగునీటి వసతులకు సంబంధించి రిపేర్ల కోసం ఆయా శాఖల ఆఫీసర్లు వెంటనే ప్రపోజల్స్ పంపాలని కామారెడ్డి కలెక్టర్ఆశిష్ సంగ్వాన్ ఆదేశించారు. బుధవారం కలెక్టరేట్లో నిర్వహించిన మీటింగ్లో ఆయన మాట్లాడుతూ.. వర్షాలకు దెబ్బతిని రోజువారీ కార్యక్రమాలకు అంతరాయం కలుగుతున్న వాటికి తాత్కలిక రిపేర్ల కోసం స్టేట్ డిజాస్టర్ రిలీఫ్ ఫండ్ ఉత్తర్వులకు లోబడి ప్రపోజల్స్ పంపాలన్నారు.
ఆయా వర్క్స్కు వెంటనే ఎస్టిమేషన్లు రెడీ చేయాలన్నారు. సమావేశంలో అడిషనల్ కలెక్టర్ శ్రీనివాస్రెడ్డి, ఆర్అండ్బీ ఈఈ రవిశంకర్, పంచాయతీ రాజ్ ఈఈ బావన్న, ఇరిగేషన్ ఈఈ శ్రీనివాస్ పాల్గొన్నారు.
