నస్పూర్, వెలుగు : జిల్లాలో డెంగ్యూ, సీజనల్ వ్యాధులు రాకుండా ప్రత్యేక చర్యలు చేపడుతున్నామని కలెక్టర్ బదావత్ సంతోష్ తెలిపారు. గురువారం జిల్లాలోని హాజీపూర్ మండలం వేంపల్లి వైద్య ఆరోగ్యశాఖ అధికారి డాక్టర్ అనిత, జిల్లా సర్వేయలెన్స్ అధికారి డాక్టర్ ఫయాజ్ తో కలసి జాతీయ డెంగ్యూ దినోత్సం నిర్వహించారు. ఈ సందర్భంగా వారు మాట్లాడుతూ.. రానున్న వర్షాకాలంలో వ్యాధులను నియంత్రించేందుకు మందస్తు చర్యలు చేపట్టామన్నారు.
ఆరోగ్య, అంగన్వాడి కార్యకర్తలు, స్వచ్చంద మహిళ ఆరోగ్య కార్యకర్తలు ప్రతి ఇంటికి వెళ్ళి వ్యాధి లక్షణాలను పరిశీలించి, అనుమానాస్పదంగా ఉంటే వెంటనే సమీప ఆస్పత్రిలో చేర్పించాలన్నారు. ఈ కార్యక్రమంలో డాక్టర్స్ లహరి, ప్రశాంతి, ఎస్యుఓలు నామ్దేవ్, సత్యనారాయణ, రవీందర్, హెచ్ఈ శ్రీనివాస్ తదితరులు పాల్గొన్నారు.
