నాగర్ కర్నూల్ టౌన్, వెలుగు: వారం రోజుల్లో ప్రజావాణి ఫిర్యాదులను పరిష్కరించాలని కలెక్టర్ బదావత్ సంతోష్ ఆదేశించారు. సోమవారం కలెక్టరేట్ లో మీటింగ్ హాలులో ఫిర్యాదులను స్వీకరించారు. జిల్లా స్థాయి అధికారులు వారానికోసారి స్కూళ్లను తనిఖీ చేసి విద్యార్థులతో కలిసి భోజనం చేయాలని ఆదేశించారు. అడిషనల్ కలెక్టర్ సీతారామారావు, డీఆర్డీవో చిన్న ఓబులేషు పాల్గొన్నారు.
వనపర్తి: ప్రజావాణి ఫిర్యాదులను పెండింగ్ లో ఉంచకుండా ఎప్పటికప్పుడు పరిష్కరించాలని కలెక్టర్ ఆదర్శ్ సురభి ఆదేశించారు. ప్రజావాణి హాల్లో ఫిర్యాదులను స్వీకరించారు. అడిషనల్ కలెక్టర్లు సంచిత్ గంగ్వార్, నగేశ్ పాల్గొన్నారు. అనంతరం అధికారులతో సమావేశం నిర్వహించి పంద్రాగస్టు వేడుకల ఏర్పాట్లపై రివ్యూ చేశారు. వేడుకలకు పకడ్బందీ ఏర్పాట్లు చేయాలని ఆదేశించారు. జాతీయ యువజన దినోత్సవం సందర్భంగా అడిషనల్ ఎస్పీ తేజావత్ రామదాసు ‘నషా ముక్త్’ ప్రతిజ్ఞ చేయించారు.
మహబూబ్ నగర్ కలెక్టరేట్, వెలుగు: ప్రజావాణికి వచ్చే ఫిర్యాదులను వెంటనే పరిష్కరించి, అర్జిదారులకు భరోసా కల్పించాలని కలెక్టర్ విజయేందిర బోయి సూచించారు. ప్రజల నుంచి ఫిర్యాదులను స్వీకరించి, వాటిని పరిష్కరించాలని సంబంధిత ఆఫీసర్లను ఆదేశించారు. అడిషనల్ కలెక్టర్ ఎస్.మోహన్ రావు, అధికారులు పాల్గొన్నారు.
నారాయణపేట: ప్రజల సమస్యలను పరిష్కరించేందుకు చొరవ చూపాలన నారాయణపేట కలెక్టర్ సిక్తా పట్నాయక్ సూచించారు. ప్రజావాణి సమావేశ మందిరంలో ప్రజల నుంచి దరఖాస్తులు స్వీకరించి, వాటిని పరిష్కరించాలని అధికారులను ఆదేశించారు. అడిషనల్ కలెక్టర్ అశోక్ కుమార్, ట్రైనీ కలెక్టర్ గరిమా నరుల, ఆర్డీవో మధు మోహన్, జిల్లా అధికారులు పాల్గొన్నారు.
