మహబూబ్ నగర్ కలెక్టరేట్, వెలుగు: గ్రూప్ 4 ఎగ్జామ్స్కు పకడ్బందీ ఏర్పాట్లు చేయాలని కలెక్టర్ గుగులోత్ రవినాయక్ ఆదేశించారు. మంగళవారం కలెక్టరేట్ మీటింగ్ హాల్లో సంబంధిత ఆఫీసర్స్ తో రివ్యూ నిర్వహించారు. ఎలాంటి తప్పిదం జరగకుండా చర్యలు తీసుకోవాలని సూచించారు. అడిషనల్ కలెక్టర్ కె.సీతారామారావు, ఆఫీసర్స్ పాల్గొన్నారు. నాగర్ కర్నూల్ టౌన్: గ్రూప్-4 పరీక్షలను పక్కాగా నిర్వహించేందుకు చర్యలు తీసుకోవాలని కలెక్టర్ పి ఉదయ్ కుమార్ ఆదేశించారు.
కలెక్టరేట్ మీటింగ్ హాల్లో నిర్వహించిన సమావేశంలోఆయన మాట్లాడుతూ 16,637 మంది అభ్యర్థులు హాజరు కానుండగా, 50 సెంటర్స్ ఏర్పాటు చేసినట్లు కలెక్టర్ తెలిపారు. అభ్యర్థులను తనిఖీ చేసిన అనంతరం సెంటర్లలోకి అనుమతించాలని సూచించారు. 396 మంది దివ్యాంగులు హాజరవుతున్నారని, వారికి భవనంలోని కింది ఫ్లోర్‌లో గదులు కేటాయించాలన్నారు. నాగర్ కర్నూల్లో 18, బిజినేపల్లిలో 3, బల్మూరులో 2, అచ్చంపేటలో 8, కల్వకుర్తిలో 11, వెల్దండలో 1, తెలకపల్లిలో4, తిమ్మాజీపేటలో 2, పెద్దకొత్తపల్లిలో ఒకటి చొప్పున కేంద్రాలు ఏర్పాటు చేస్తున్నట్లు చెప్పారు.
గద్వాల: జిల్లాలో గ్రూప్ 4 ఎగ్జామ్స్కు అన్ని ఏర్పాట్లు చేయాలని కలెక్టర్ వల్లూరు క్రాంతి ఆఫీసర్లను ఆదేశించారు. కలెక్టరేట్ మీటింగ్ హాల్ లో చీఫ్ సూపరింటెండెంట్లు, లైజనింగ్, రూట్ ఆఫీసర్లతో మీటింగ్ నిర్వహించారు. 49 సెంటర్లలో 14,920 మంది అభ్యర్థులు ఎగ్జామ్ రాయనున్నట్లు చెప్పారు. అడిషనల్ కలెక్టర్ అపూర్వ్ చౌహాన్, ఆర్డీవో రాములు పాల్గొన్నారు.
