యాదాద్రి, రాజాపేట, వెలుగు : మెనూ సరిగ్గా అమలు చేయని ఎస్టీ హాస్టల్ వార్డెన్కు కలెక్టర్ హనుమంతరావు షోకాజ్నోటీసు జారీ చేశారు. భువనగిరిలో ఎస్టీ బాలికల హాస్టల్ను మంగళవారం రాత్రి కలెక్టర్ ఆకస్మికంగా సందర్శించారు. స్టూడెంట్స్ ను అడగడంతో మెనూ సరిగ్గా అమలు చేయడం లేదని తేలింది. దీంతో వెంటనే వార్డెన్విజయలక్ష్మికి షోకాజ్నోటీసు జారీ చేశారు. హాస్టల్లోని వంటగదికి వెళ్లిన ఆయన సరుకుల నాణ్యతను పరిశీలించారు. కోడిగుడ్ల సైజుతోపాటు పప్పు నాణ్యతను పరిశీలించారు. స్టూడెంట్స్ కోరిక మేరకు కంప్యూటర్లను, లైబ్రరీని ఏర్పాటు చేస్తానని తెలిపారు. స్టూడెంట్స్ సౌకర్యం కోసం హైదరాబాద్ చౌరస్తా వద్ద బస్సులు ఆపాలని ఆర్టీసీ డీఎంను కలెక్టర్ ఆదేశించారు.
పాఠాలు చెప్పిన కలెక్టర్..
రాజాపేట మండలం నెమిల స్కూల్ను కలెక్టర్ సందర్శించారు. పదో తరగతి స్టూడెంట్స్తో ఆయన మాట్లాడారు. ఈ సందర్భంగా ఆయన మ్యాథ్స్ లెసెన్ చెప్పారు. అనంతరం అంగన్వాడీ స్కూల్ను సందర్శించి సెంటర్లో ఉన్న సరుకుల నాణ్యతను పరిశీలించారు. సెంటర్లోని పిల్లలు సరైన బరువు ఉన్నారో..లేదో..? చూశారు.
